PrUB1452.06.17

Unsern gar frundlichen grus mit behegelichen dinsten stets czuvor.

Ersamen, liben hern! Euwer liebe ist wol indechtig, wie eczlicher unwille und czweitracht czwusschen hern Pawl von Rusdorff zeliger gedechtnisz und euch ersamen hern yn den coventen und eczlichen seinen gebitigern, do ir denne ewrer gebrechen uns schriftlich gesant habt, uns anruffende ritter und knechte und stete, do durch ir begerend woret, das wir euch weren behulflich, retlich und beistendig in euwern sachen, do durch ir mocht czu ruh komen mit^a unserm herren, nemlich Konigsberg, Balge und Brandburg, und ir ouch begerend wort von uns, euch in unser beschirmunge czu nemen, dem denne dy unsern umb euwer fleissiger bete willen gerne also geton haben, das euch allen wol indechtig ist, das wir sulche truwe und fleisz bey euch toten noch unserm hogsten vormogen und ir euch dirboten habt in euwer dreyer covente versigilten briefen, dy wir in unser gutten^b vorwarung haben, dovon wir euch abeschrieft hirynn vorslossen senden, dy ir lesend wol werdet vernemen, dorynne ir euch dirboten habt, mit leibe und gutte uns beystendig czu sein, das wir euwer liben gantz czugetruwen, so habt ir wol vornomen, lieben heren^c, wie wir sein gekomen in unwillen ken unserm hern ho(meiste)r und seinen gebitgern von unser eynunge wegen, dy doch off jene czeit euch allen czufrede und rue brochte. Doruff ir euwer gebitiger schicket czum Elbinge uff das rothhws und lyst danck sagen^d land und steten der trowe und beystant, dy sy bey euch geton hatten, der ir nymmer vergessen weldet und kindes kind der truwe genyssen sulde, dy weile der orden stunde.

Hirumb, liben heren, habt ir ouch wol^e vornomen, wie wir beclaget sein von unser eynunge wegen ken dem allerheilgsten vater dem bobiste, ken dem kei–er, korfursten und andern herren und wir noch gewarnet werden von tag czu tag, das^f men sich noch kegen uns bearbeit kegen denselben hern in forder beswerung czubrengen denne vore. Hirumb, lieben hern, so sey wir von landen und steten an unsern gnedigen hern gesant mit macht ken der Mewe sein gnode anczuruffen und czu bitten, das uns seine gnode vorandwerte und freyete von sulcher beswerunge und lisse uns frey, alze wir bey seinen vorfaren^g gewest sein und als uns seine gnode gefunden hette, das her uns nicht hat wold czusagen, doruff wir em haben geandwert. Sint der czeit, das uns unsers hern gnode noch nicht hat wold ein endlich andwert geben, sunder her hat uns czugesaget, wenne her seinen czog off Pomerellen geton hette und widder heim queme, so welde her ^hdie sache an^h seine gebitiger und covente brengen und welde uns denne losen willen.

Hirumme, liben heren, so ruffen euch an land und stete und dirmanen und bitten euch, das ir euch also wellet ken unsern gnedigen hern beweisen, das dy sache mochte czu einem gutten ende komen, das wir euwer liben genczlich czugetruwen. Worde das nicht gescheen, so mu^esten wir euwer und andir schrifte und allis, das uns dortzu gebrocht hat, vorbrengen und unser ere vorandwerten an allen herren und enden, so wir beclaget sein und von noten sein wirt.

Geben czur Mewe am Sonnabend noch Viti und Modesti im etc. 52. iore undir herrn Hans vom Czegenberge bannerfurer Colmisschenlandes, herrn John van der Jane ritteren und der stat Mewe, der wir czu deser czeit alsampt gebrwchen.

Ritter, knechte und die grose stete dys lands czu Prwssen itczund offer tagefarth czur Mewe vorsammelt.