PrUB1440.05.10.a

1440 V 10. London.

{Regest}
Vor dem Londoner Mayorsgericht bekennt der Danziger Kaufmann Johan van Rostok, dass der auf seine Schuldklage hin verhaftete Londoner Kaufmann William Middletone mit der Person seines Schuldners nicht identisch ist.

{Überlieferung}
A = City Records London, Rolls of Pleas and Memorandums A 67 m. 5 d.

{Drucklegungen}
aus B Hansisches UB, 7,1, Nr. 565, S. 282.

{Regest}
ebd.

{Diplomatische Erörterung des Stücks}

Memorandum, quod Willielmus Middeltone, mercator civitatis Londoniarum, arrestatus et imprisonatus fuit decimo die Maii anno regni regis Henrici sexti post conquestum decimo octavo 4 virtute cujusdam bille originalis coram Roberto Large, adtunc majore dicte civitatis, et aldermannis in camera guyhalde civitatis predicte ad sectam cujusdam Johannis van Rostok, de Dansk in Prucia mercatoris.
Super qua billa dictus Johannes van Rostok adtunc et ibidem declarabat versus dictum Willielmum Middeltone super quodam scripto obligatorio, in quo idem Willielmus esset obligatus dicto Johanni van Rostok in quinquaginta quinque libris sterlingorum, quas ipse ab eodem Willielmo per billam predictam peciit, prout per eandem billam plenius liquet.
Quiquidem Willielmus adtunc et ibidem dicit, quod non cognovit dictum Johannem van Rostok nec scriptum obligatorium predictum unquam videbat nec novit; et inde rogavit dictos majorem et aldermannos, quod ipsi examinarent dictum Johannem de Rostok de dicta materia ac de omnibus circumstantiis materie predicte. Quiquidem major et aldermanni examinaverunt dictum Johannem van Rostok de dicta materia, et dictus Johannes tunc et ibidem palam et expresse fatebaturet asseruit, quod ipse Willielmus non fuit ipsa eadem persona, que sigillavit dictum scriptum obligatorium summe predicte, in quaquidem obligacione dictus {283} Willielmus prefato Johanni obligari pretenditur.
Quequidem obligacio data est decimo die mensis Februarii anno Domini millesimo quadringentesimo tricesimo nono et regni regis Henrici sexti post conquestum Anglie decimo octavo. Fatebatur eciam dictus Johannes tune et ibidem, quod ipse numquam recepit dictum scriptum obligatorium ex liberacione Willielmi supradicti nec dictus Willielmus ullam sibi fecit liberacionem obligacionis predicte, set quidam Rogerus Talbot obligacionem predictam sigillavit ac ipsam prefato Johanni liberavit dicens et asserens, quod ipse fuit Willielmus Middelton mercator civitatis Londoniarum etc.

Bearbeitungsstand: Text eingegeben (Sarnowsky, 4.5.2022) – Datum überprüft () – Text mit PrUB oder sonst Druck kollationiert (Sarnowsky, 4.5.2022) – Text mit Or. kollationiert () – äußere Merkmale beschrieben (Sarnowsky, 4.5.2022)

Datum der Erstanlage: Mittwoch 4. Mai 2022 – Letzte Änderung: 4. Mai 2022 von Jürgen Sarnowsky

Zurück zur Hamburger Homepage / zurück zur Regestenliste für 1440.