PrUB1413.08.16

Also hat man gescr[eben] hern Hannus Birkenhaupt.

Her Hans euwern briff, den ir gesant habt unsern liben getruwen burgern^a) unser stad Thorun, habe wir wol vornomen, in dem ir irsten beruret, das dy unsern sullen haben genomen euwern luthen bier etc. Ihr wist is wol und stet uns ouch wohl zu gedenken dy wyle wir die ampt czur Swetz und Nessow trugen, das mans von alders also hat gehalden, das man keyne fremde bire und nemlich vom Bromburg ken Thorun sulde furen, das ouch sint der czit ofte und viel offenberlich ist vorboten. Als euch ouch sunderlichin do von wart gescr[eben], ist nu den euwern boben sulch vorbot ir bir genomen, das dunket uns nicht sin unmogelich gethan, und das wir uns umb ein sulchs bedasset, dor an thut ir uns ungutlich.

Und als ir scr[ibit] von der fere, dy den euwern wirt geweret etc., wisset das man die fere, von der ir scribet, nie wolde gestaten czu haben, und hat sy alle cziet geweret., umb manchirhande schade, der den unsern wart doselbst^b) czu gezogen. Dorumb^c) wir ouch noch hutes tages keyner fere do gestaten wollen sunder die alden gewohnlichin feren^d), der were wir nymande.

Vortmer als ir den unsren vorbitet dy frye stroße uf der Wysel und dy der neder leget, dy doch von ewigen cziten ist fry gewesen etc., ir wisset wol, das in der verscribunge des ewigen fredes ist eygintlichen usgedruckt, das alle strossen sullen fry und offen sin, dor an wir uns ouch halden, und wellen dy vorschribunge alle czit gerne halden, als verre man uns do by wil lassen. Wurde ymand boben sulche vorscribunge dy unsern uf der fryen stroßen beschedigen, so muste wir dor uf gedenken, wy wir dy unsern beschirmeten und des schaden dirholeten.

Gegeben uf unserm huwse Marienburg an der nestin Mitwoche nach Assumptionis Marie anno etc. XIII^o.