PrUB1413.07.30.c

Also ist geschreben graff Heinrich und graff Gunthere von Swarczpurg, herre czu Arnstete und Sundirshusen.

Wolgebornen grosmechtigen besunderen liben herren und ohemen. Wir thun euch czu wissen, wie unser herre marggraffe Wilhelm von My^esen, dem konige von Polan czu liebe und beheglichkeit, sinen rittern und knechten hat vorboten unserm orden nicht czurieten, und och wie der koning von Polan unsern orden hin und heer in forsten und herren hoefen groblichen lestert und bedasset.

Wir bitten euch, liben herren, das ir euch doran nicht entkeret, und uns, unsern orden, wo das czu thun ist, von semlicher bedassunge reyniget und entscholdet, wend irs in der worheit befinden werdet, das her das alleine dorumbe tut, wie das her die gunst und gnade, die fursten und herren mit schynbarer hulfe, czu enthaldunge deses armen Cristenlandes czu unserm orden haben getragen, abewenden moge, uff das her destebas mit sienen nuwen gleissenden und geferbeten Cristen sienen willen moge behalden unsern orden grunttlichen und dys arme land zu vortilgen.

Sundirlichen bitten wir euch, das ir unsern herren marggraffen obengeschr[eben] und andere herren und fursten mit fleisse wellet anlegen, app wir so hog gedrungen werden, dornoch sichs itczunt tegelich schicket, das sie uns mitsampt euch das helfen behalden, das mit pynlichkeit euwerer und erer seligen^a) eldern und vorfahren und vil cristenliches blutes vergissunge ist derworben.

Geg[eben] czum Aldenhuws am Sontage nach Jacobi.