PrUB1413.06.22.b
© Jürgen Sarnowsky, Hamburg (1999-2016)
{Regest}
{Überlieferung}
B =
{Drucklegungen}
{Regest}
{Diplomatische Erörterung des Stücks}
Also ist geschr[eben] den steten Stolppe, Slauwe und Ruwenwalde.
Ir burgermeistere und rathman[ne] der stete Stolppe, Slauwe und Ruwenwalde, ir wisset wol, wiea) ir uch ken uns und unserm Orden habt vorschreben, vor uwren herrn herczogen zur Stolppe von des gelegen geldes wegen. Und wie wol wir uch ufte dorumbe haben lossen manen und dorczu die tage der beczalunge sind vorgangen, so habt ir uns bis do herb) do von keyne usrichtunge gethon, noch gedocht czubeczalen.
Des so mane wir uch noch uwris briffis usweisunge bey uwren truwen und eren, das ir den selben genug thut und inreytet in unser stad Danczke, also das ir do siet des achtentages nach Johannis Baptiste nu nehest czu kommende1) und von dannen nicht enscheidet, ir en sey denne mit unserme willen und das ir uns bezalet noch usweisunge uwris briffis. Und wurdet ir, des wir nicht huffen uwir truwe und ere sin undechtig und nicht inreyten noch uns beczahlen, so musten wir forder doruff gedencken, wie wir uch vor herren, forsten, rittern und knechten, steten und wo is uns czuthunde were mit vorkundigunge uwris briffis czurede wurden setczen und dorczu so vil tun, als uns fuget.
Geg[eben] zu Danczke an des Hilgenlichnams tage anno etc. XIIIo.
b) Folgt Streichung keyne.
1) 1413 Juni 31.
Bearbeitungsstand: Text eingegeben (Antje Barsch, 15.10.2016) – Datum überprüft (Antje Barsch, 15.10.2016) – Text mit PrUB oder sonst Druck kollationiert () – Text mit Or. kollationiert (Jürgen Sarnowsky, 7.11.2016) – äußere Merkmale beschrieben (Antje Barsch, 15.10.2016)
Datum der Erstanlage: Montag, den 7. November 2016 — Letzte Änderung: 7. November 2016 von Jürgen Sarnowsky
Zurück zur Hamburger Homepage / zurück zur Regestenliste für 1413.