PrUB1413.06.22.a

Also hot man geschr[eben] den voithen, rittern und knechten, manschaften und den steten des herczogen von der Stolppe.

Allen und iclichen besundern voithen, rittern, knechten, manschaften und steten des herczogthums czur Stolppe entpiten wir brudir H[ei]nr[ich] von Plauwen homeister dutsches ordens frundlichen grus mit allir behegelichkeit. Besunderen lieben frunde^a), wir hatten czu uwer kegenwertikeit mit unser credencie gesand unsern man und undirsosen Wilhelm Wintervelt uch unser meynunge voreczubrengen etc. Des hot her uns gebrocht czwene briffe, eynen mit dryn angehangen ingesegel[e]n der voithe Pulnow, Slanwe und Belgarten, der andere der burgermeistere und rathmanne der stad Stolppe under andir worten inhaldende wie das wir begernde weren gewest demutlichen eyns fredes etc. So wisset das wir dem selben Wilhelm Winterfelde nicht haben mete gegeben noch^b) befolhen das her eynen frede sulde machen adir ufnomen, sunder wir haben im befolhen, an uch czu werben, das ir die unseren, die ir in der Nuwen Marke vor Berlyn gefangen habt bynnen fredelichen tagen und noch gefangen haldet, frey weldet lossen und das en vor den raub, brand und ander mancherhande schade, die in yn den selben fredelichen tagen us dem herczogthum czur Stolppe sien geschen, gleich und recht vor ungleich mochte wedirfaren und wissen uns an keynen andern frede czu halden denn an den frede der czu Thorun gemacht und von dem allirdurchluchsten forsten unserme herren romisschen und ungerisschen konige etc. wart nun^c) bestetiget, an deme frede uns ouch wol genuget und wissen^d) keynen anderen frede boben den selbigen, der czu Thorun, als vorberurt ist, wart gemacht und czu Ungeren bestetiget, anczugreiffen und senden des der oben geschr[eben] voithe briffe uch^e) wedir und bitten uch mit fleisse das ir lieben frunde die vorschreibunge des egedochten fredes / (280) czu Thorun gemacht eigentlichen czu herczen wellet nomen und en ouch beleiten, in deme immer das herczogthum czur Stolppe ist begriffen, und umbe bestendickeit des selben fredes die unsere, die ir in der Nuwemarke in fredetagen gefangen habt, frey lossen und vor den raub, brand und welcherley schade en us dem herczogthum sie geschen, wellet genug thu^en und das in gleich vor ungleich moge wedirfaren. wand wie den unsern sulche mogelichkeit und gleich nicht^f) mochte geschen und wurden sie denne umbe sulche mishegelichkeit uch wedir^{g) h)}eyn sulches tu^en und czuczihen^h), dorumbe wellen wir unvordocht bleiben und mu^esten ouch selber vorder doruff gedencken, wie wir die unsern gefreytenⁱ⁾ und beschirmeten.

Gegeben czu Danczke am tage Corporis Christi. Anno etc. xiiio.