PrUB1398.02.17

Den herren bisschofen pfleget man alzo czu schriben, wy man reyse reytet, ader lute uff die see usrichtet und dem glich.

Erwirdiger herre und lieber vater, als euwer vetirlichkeit wol vornomen hat, daz wir czu der see lissenden unser volk umb befredunge unser landis, darumb so bitten wir euwer vetirlichkeit mit allem flyze, das ir geruchet eyne wyse^a) czu dirdenken, wy got unser herre und allen sinen lieben heiligen werde dirboten von aller euwer pfaffheit in euwern sprengel und auch von dem gemeyne volke eyn besunder dienst, das wir czu euwer vetirlichkeit setzen, uff das got ansehe eyne heilige andacht siner gelobigen und helfe in gnedeclich mittenandern in ir usfart und sie w[e]der czu lande sende mit selikeit, dor an uns euwer vetirlichkeit bewiset eyne sunderliche dank[bar]keit.

Gegeben czu Marienburg am sontage esto michi.