PrUB1392.11.25

Edeler h[erre] li[eber] bes[under] fru[n]t, euw[er]n briff uns nu^ewlichst gesant, der uns in der gebunge dis bri^eves wart geantwart, han wir wol vernomen und lieblich entpfangen, in welchem ir uns under and[er]n worten habt geschr[eben] alz von der manunge di^e wir zu euch haben von der bri^eve wegen di^e ir mit euw[er]n fru[nten] uns habt versigelt, do von wir euch auch nu^e nehest han geschr[eben] eigentlich. Und alz balde alz e[uch] di^e selben unser bri^eve worden geantwart, das ir von stadan zu euwerm h[e]re[n] deme konige siet geri^eten, alz ir schri^ebt und ir in deme selb[e]n bri^eve von uns begernde siet, das wir euch nicht welden man[en] also lange, bis das ir weder von euwerm h[er]re[n] deme konige quemet, und das ir euch vorseghet das ir ku^eme uff di^e czukunfftigen Wynachten von euwerm h[er]re[n] deme konige mo^echtet komen, durch siener vre[n] wesunge wille. Euw[er] liebe thun wir czu wissen, das wirs mit der selben manunge, di^e wir czu euch haben durch euwer liebe wille und nach euwer beg[er] gerne alz lange wellen lasen beste^en, bis uff di^e czukunfftigen Wynachten und bitten euch mit flieze, alz wi^er euch ouch vor haben gebe^eten, wen der tag der geburt unsers h[er]re[n] kumpt, das ir uns denne di^e bri^eve di^e ir uns mit euwern frunden habt vorsigelt, rechtvertiget, alz wir euch des wol zu gloyben und getruwe[n] und alz ir uns auch habt globt zu thun. Und uns m iuwe [ding] und sache schri^ebens und clagens do mit benemet, want wy des uff di^e egeschr[eben] ziet nicht geschege^e, so mu^este wir konigen, fu^ersten, h[er]re[n], rittern, knechten, steten und allen erb[ar]n lu^eten, den recht lieb ist und unrecht leit, schri^eben und clagen, das i^er uns von euerm rechten wissen bri^eve hettet versigelt mit euwerm ingesigel, der uns nichten hildet noch rechtvertigen weldet, alleyne wir is ungerne teten.

Dat[um] Mar[ienburg] proprio die Ste. Katherine virg[inis].