Rolf Sprandel (Bearb.), Quellen zur Hanse-Geschichte (Ausgewählte Quellen zur deutschen Geschichte des Mittelalters, 36), Darmstadt 1982, S. 286-87.
Rezeß der Greifswalder Versammlung, 7. September 1361(gedruckt: Hanserecesse. I. Abt.: Die Recesse und andere Akten der Hansetage von 1256 bis 1430, bearb. Karl Koppmann, Bd. l, Leipzig 1870, Nr. 259, S. 186-187.)
Anno Domini 1361 nativitatis Marie virginis1.
De stede by der zee, alzo her Johan Wyttenborgh, her Johan van Pleskow unde
her Berend Oldenborgh van Lubeke; her Diderik Wraak van Hamborgh; her Johan
Dargetzow unde her Johan Kalzow van der Wysmer; her Johan Bomgarde, her Arnold
Cropelyn, her Hinrick Vrese unde her Johan Grentze van Rozstoch; her Herman
vanme Rode, her Gødeke Gysen, her Ludeke van Külpen unde her
Berend van Bremen vanme Sunde; her Hinrich van Lubeke, her Nicolaus Westfal,
her Hinrick Scupplenbergh unde her Lamberd Warendorp vanme Gripeswolde; her
Dyderik Thurow unde Marquard Sagenitze van Angklem; her Hinrick Gcøbermyn
unde her Hermen Pape van Stettyn; meyster Otto, eyn scriver der staat tho
Kolberch; mit den anderen steden by der zee, myt den ratmannen alzo her Hinrick
Langhen van Colme unde her Gotscalke Naase van Dantzeke, de boden synt des
landes unde der stede van Prützen2, hebben
over een ghedreghen unde wilkort myt gantzer eendracht:
1. Dat nymant uth eeren steden unde landen zuken scal dat land tho Denemarken
unde Scone myt nynerleye ghude edder kopenschop by lyve unde by ghüde.
2. Vortmer hebben se over een ghedreghen, dat men in allen steden, beyde
by der zee unde ock an Prützen, scal upbøren eynen tollen van
scepen unde van ahne ghüde, dat men scepet uth dessen vorscreven steden,
havene unde landen, van elken pund grote veer Engeische pennynghe3, unde dat scal anstan in den negesten wedderdaghen4 na desseme thokomenden wyntere, wan men ersten
scepen mach, unde scal waren wente tho sunte Michelis daghe5,
de dar negest anne myddel komende is. Dessen tollen scal men up børen
by zworen eeden in der staat, dar me dat ghud uthscepet, unde scal des breve
gheven, dat dat ghud vortollet sy; dar mede scal dat ghud tollen vry syn
uth un yn.
3. Vortmer, wes me van desme tollen sammelet in deme lande tho Prützen,
dat scal men antwerden in dat Lubesche dordendel den steden by der zee vorbenümet.
4. Were ock, dat yenych man, de buten der hanze were, dessen tollen nycht
gheven wolde, alzo hyr vore screven steyt, unde dat land tho Denemarken unde
Scone zuken wolden: myt deme edder myt den scal nyn kopen edder vorkopen.
5.Were dat yenich begrepen worde, de gherovet hadde uppe der zee, dar scal
me over rychten, unde scal nenes gheleydes gheneten.
Ghegheven thome Gripeswolde, na Godes bort drutteynhundert jaar an deme eyn
unde sesteghesten jare in deme hilghen avende unser vrowen, alzo ze gheboren
wart6.
1 8. September
2 Die preußischen Gesandten vertraten in der Regel alle sechs preußischen Hansestädte (Kulm, Thorn, Elbing, Danzig, Braunsberg und Königsberg) sowie
3 Es handelt sich hier um den Pfundzoll. Ein flämisches Pfund Grote entsprach 720 Englischen; der Zoll betrug also 1/180 des Warenwerts.
4 Beginn der Schiffahrt im Frühjahr, im Ostseebereich der 22. Februar.
5 29. September
6 7. September