Stabilimenta Rhodiorum militum - Latin version

1422-Stabilimenta1493-Electiones1

   Frater Petrus Daubusson cardinalis et magister
i.^(a) De modo eligendi thesaurarium generalem

Ad honorem et decus religionis – considerato, quod thesaurarius generalis est baiulivus capitularis – congruum est, ut pro forma baiulivorum capitularium eligatur^(b) . Eapropter stabilimus, quod thesaurarius generalis – venerande lingue Francie baiulivus capitularis – eligatur per magistrum et consilium ordinarium modo et forma, quo alii baiulivi capitulares eliguntur, de fratribus dicte lingue residentibus tam in conventu Rhodi quam extra vel in partibus occiduis habito potius respectu ad benemerentiam quam antianitatem salva tamen sinotatione ipsius lingue. Quodque ipse baiulivus thesaurarius retento titulo baiulivi thesaurarii possit discedere de conventu Rhodi cum licentia concedenda eo modo, quo aliis baiulivis capitularibus per magistrum et consilium completum conceditur, gaudeatque prerogativis tam presens quam absens a conventu Rhodi, quibus gaudent ceteri baiulivi capitulares. Intellecto, quod habeat custodiam bulle ferree sub sigillis consuetis modo solito, adiecto, etiam quod in eius absentia [125r] a Rhodo magister et consilium eligant et deputent locumtenentem thesaurarii, qui dictam bullam custodiat, quia in conservatione ipsius bulle non parvum^(c) pondus existat. Qui habeat medietatem^(d) stipendiorum thesaurarii^(e) non obstante quocumque stabilimento in contrarium faciente.