Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1397-Alienationes 3
Frater Guilielmus de Villareto magister
iii. Quod fratres non possunt quietare mutua facta
Si aliqui fratres aliquam quantitatem pecuniarum super prediis, possessionibus aut castellis mutuaverint aut in mutuum dederint, ex quo emolumenta et fructus percipiantur, prohibemus, ne successores fratrum in talibus bonis talia mutua quietare, relaxare seu alienare quovismodo presumant. Nam quod a fratribus nostris partum est, indecorum censetur distrahi.
Next Alienationes 4 | Back to the Contents