Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1275-Fratres 2
Frater Ugo(a) Revel magister
ii. Quod fratres non intromittant se de his, qui mortis supplicio plectendi sunt
Ubi quidem delicta impunita relinquuntur, iusticia quidem non colitur, que profecto a cunctis summa cura observari debet. Inhibemus itaque districtius ordinis nostri fratribus, ne quoquomodo de his, qui propter delicta capitis supplicium incurrunt, se intromittant aut eis favorem seu auxilium prestent aut dari procurent. Quinimmo tales criminosi pro demeritis condemnandi et puniendi curie secularis iudicum(b) libero iudicio permittantur et tradantur.
(b) Venice 1495, Ulm 1496, Salamanca 1534; Ms. iudicium.