Stabilimenta Rhodiorum militum - Latin version

based on the manuscript in the National Library of Malta, Archives of the Order of St. John, no. 244

© Jyri Hasecker, Hamburg / Jürgen Sarnowsky, Hamburg (2007/2022)

1155-Consilium 8

---

   [62r] Frater Petrus Raymundus Zacosta magister
viii. Quod licentia recedendi de conventu baiulivis aut prioribus non detur nisi per magistrum et consilium completum

Omnes occasiones, quibus conventus presentia baiulivorum et priorum carere potest, abolere cupientes, ideo stabilimus, quod magister non possit dare licentiam rece-[62v]dendi de conventu Rhodi baiulivis conventualibus et capitularibus et prioribus ac castellano Emposte sine scitu et consensu consilii completi, ita quod tres partes dicti consilii in una opinione concordent. Alias deliberatio sit nulla. Et si magister contrafecerit, licentia nulla sit. Et nihilominus contra eos, qui vigore talis licentie recessissent, procedatur tamquam contra eos, qui sine licentia de conventu Rhodi recedere presumunt.

---

Next Consilium 9 | Back to the Contents