Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1070-Ecclesia 37
Frater Petrus Daubusson cardinalis et magister
xxxvii. De iocali dando per priores ecclesie sancti Ioannis collaci Rhodi
Laudabile et rationi consonum est donis et muneribus sacras edes decorare. Idcirco statuimus, quod fratres ordinis nostri, qui promoti et electi in priores ecclesie ac aliorum prioratuum aut castellanum Emposte fuerint, obligati censeantur ecclesie sancti Ioannis sacri conventus Rhodi iocale aliquod dignum et condecens valoris adminus florenorum viginti cultui divino et dicte ecclesie elargiri. Idque exequi contradictione postposita(a) teneantur, cum fructus aut redditus prioratuum aut castellanie unius anni perceperint.
Next Ecclesia 38 | Back to the Contents