Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
390-Collations 26
[p2r]
Frere Pierre d’Aubussons cardinal et maistre
xxvi. Que le maistre peult donner commanderie appartenant à sa preeminence à aulcun commandeur laissant sa commanderie la quelle le maistre de rechief peult donner
Pource que les grâces doibvent par bonne raison estre liberalles nous establissons que toutes et quantesfois commanderie vacquera à la collacion du maistre selon la forme de l’establissement qui ordonne de grâces magistrales, le maistre qui sera pour le temps puisse donner ladite commanderie à ung commandeur qui doibt lesser, se plaira au maistre, une des commanderies que posseyra et en lieu d’icelle qui laissera doye tenir celle que le maistre luy donnera soubz le tiltre que premier tenoit la commanderie que laissera, la quelle le maistre puist donner de grâce magistrale selon la forme de l’establissement qui ordonne des grâces magistrales.
Next Collations 27 | Back to the Contents