Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
359-Elections 15
[o2r]
Frère Pierre Raymond Sacoste maistre
xv. De l’election du chastellain et bailly du commerch de Rhodes
Ceulx qui president au peuple et qui doyent faire justice [o2v] en tribunal doyent estre saiges et preudommes, car il n’est chose qui tiengne tant les subgiectz en paix et conserve la chose publicque que à ung chascun par droicte ballance donner son droit. Et à ceste cause en l’election d’iceulx on doit user de grant prudence et en ce on doit mectre et appeller dignes personnes. Et pourtant nous establissons que les offices de la chastellanie et du commerch de Rhodes, c’est assavoir de chastellain et bailly, soient conferis à religieux ydoines, selon le tour(a), degré et ordre des langues par maistre et conseil comply. Et que lesdites offices soient données à freres ydoines et suffisans, anciens de huit ans ou mains. Et le maistre de sa propre auctorité, par preeminence magistrale, peut eslire les lieutenans de chastellain et de bailly.
Next Elections 16 | Back to the Contents