Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
328-Freres 55
[n3r]
Frere Pierre Raymond Sacoste maistre
lv. Que les freres ne arment navilles sans licence et que ne participent avecques coursaires
Desirans obvier aux abus et dommaiges nous establissons que les freres de nostre ordre, de quelque auctorité que soient, ne puissent armer navilles comme gallées, fustes, naves, carvelles(a), baliniers et tous autres sans licence et consentement du maistre et conseil, laquelle soit donnée en escript. Et lesdiz freres ne pevent obtenir ceste licence, sinon ceulx qui auront demouré cincq ans au couvent de Rhodes ; et ceulx qui au secours de la religion vouldront venir de ponent(b) puissent armer navilles sans obtenir licence. Et ceulx qui armeront avec congie soient tenuz avant donner caucion ydoine que ne molesteront ou roberont cristiens ou leurs biens. Et deffendons à noz freres, de quelque condicion qu’ilz soient, que par aulcune maniere ne presument participer avec coursaires ou tenir gallées ou navilles en la maniere des coursaires ou passer ou naviger en navilles de coursaires comme patrons ou capitaines ou compaignons, sinon pour passer la mer tant seulement. Qui contrefera incontinent incoure privacion de l’habit et de benefices.
(b) deponent.