Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
259-Prieurs 10
[l4v]
Frère Philibert de Nailhac maistre
x. Que les prieurs doyent visiter de quatre ans en quatre ans les commanderies de leurs prieurez
Affin que les commanderies et possessions de nostre ordre, édifices et maisons ne seuffrent ruynes et les revenues et jurisdictions par inutile administration ne ayent detriment nous establissons que les prieurs et chastellain d’Emposte de quatre ans en quatre ans personnellement doyent visiter diligemment toutes les baillyes, commanderies et maisons des prieurez et chastellanie d’Emposte ; et soyent tenuz pourveoir sur les choses maulvaisement gouvernées affin que négligence ne soit occasion de dommaige ; et que la visitacion soit mise en escript et la copie dicelle doient mander au maistre et couvent ; et se les prieurs ou chastellain d’Emposte par empêchement de maladie ou outre legitime cause ne peut [l5r] faire ladite visitation, en icelluy cas doye eslire et députer deux commandeurs prudens et ydoines qui facent ladite visitation. Toutesfois, se pendent ledit terme de(a) quatre ans aulcunes commanderies monstrassent venir en ruyne voulons que sans attendre lesditz quatre ans lesditz prieurs doyent pourveoir diligemment sur les reparations et manutentions. Et deffendons ausditz prieurs et chastellain d’Emposte et tous aultres ne reçoipvent deniers ou dons pourquoy ladite visitation fut differie ou totalement abolye ou aulcunement esditez prieurez et commanderies empeschée.
Next Prieurs 11 | Back to the Contents