Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
149-Conseil 2
[h5v]
Frère Guillaume de Villaret maistre
ii. Que les choses délibéreez et agiteez es conseilz soient secretes
Il est chose consonant à raison que les choses discutées en conseil soyent tenues secretes. Et pourtant est louablement institué que par nesune manière les choses traictées, délibérées et conclues es conseilz de nostre ordre ne soient manifestez. Et se aulcun de noz frères sans licence du maistre et conseil à ceste institution contrefera de luy se face plaincte et soit pugny de quarantaine et excludz et suspendu de tout conseil.