Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
088-Hospitalité 13
[f6r]
Frere Jehan de Lastic maistre
xiii. Que les trespassés soyent honnorés quant seront portés à la sepulture
Œuvre de miséricorde à Dieu et aux hommes aggréable est ensevelir les mors et honnorer la sepulture. Pourquoy à honneur des trespassés en nostre enfermerie nous voulons que le corps soit porté honnestement à la sepulture priant les chappellains(a) ce que appartient au salut de l’âme ; et que soyent députez quatre vestimens noirs desquelz soyent vestuz les quatre hommes qui porteront le corps. Lesquelles choses l’enfermier fera observer en la sepulture diceulx desquelz les biens pour leur pauvreté ne suffissent à subvenir à la despence de leur sepulture..
Next Hospitalité 14 | Back to the Contents