Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
049-Eglise 16
[e4r]
Frère Folquet de Villareth
xvi. La solennité que se doit faire en la feste de l’Assumption de la Vierge Marie pour la victoire eue de la cité de Rhodes par les hospitaliers
Il est chose digne faire à la divine clémence et à la Vierge Marie, mère de Dieu, pour les victoires par luy envoyées. Et pource comme ainsi soit que la noble cité de Rhodes qui pour lors obeissoit à l’ennemy de saincte esglise romaine [e4v] ait esté soumise aux hospitaliers le jour de la feste de l’Assumption de la Vierge Marie l’an de salut cristienne Mccc et ix moyennant le divin aide, pourtant en honneur, louenge et mémoire de la victoire est estably que ledit jour chascun an par toutes les esglises de nostre religion en louenge de la glorieuse Vierge icelle feste soit decorée et empliée de procession et aultres serimonies ecclesiastiques ; et que en Rhodes soit fait ung aultel en honneur de la Vierge sur le quel ung frère chappellain ad ce deputé chascun jour dye messe en recordance dicelle victoire ; et ledit jour de l’Assumption chascun an les frères aillent la processionellement circuiant l’Esglise de Saint Jehan et soit dicte messe solennelle.