Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
043-Eglise 10
[e3r]
Usaige
x. Les oraisons qui se font pour les frères trespassés
Saincte chose est prier pour les trespassés. Et pourtant par louable coustume est observé que pour l’âme du chascun frère trespassé soient célébrées trente messes ou lieu de l’obédience où trespassera, et que en la première messe les frères assistens doyent offrir ung sierge ardant avec ung denier affiché oudit sierge. Lesquelz deniers soient donnez aux pauvres en rémission des pechiez du deffunct. Et chascun frère chappellain doit dire une messe, et le diacre ou soubzdiacre le psaultier, et les chevaliers et sergens soyent tenuz dire pour l’âme du deffunct cent cinquante Patenostres ou l’office des mors, et ce est oultre l’ordinaire oration que sont tenuz de dire.