Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
027-Reception 17
[d4r]
Frere Anthoine Fluvian maistre
xvii. Que les freres ne doyent abuser de licences de recevoir aulcuns, mais que ceulx qui seront receuz soient notez esditez licences
Desirans estraindre les abusions qui se pevent commectre en la reception des freres nous deffendons que les freres recepvans par aulcune maniere ne doyent abuser de la licence ad ce donnée, c’est assavoir reçoyvent plus de freres que l’auctorité donnée ne permect. Et affin que occasion de ce faire ne soit donnée nous voulons que les [d4v] freres recevans doyent noter es lectres de licence les noms de ceulx qui recevront en vigueur d’icelle licence et aussi l’an et jour de la reception, et oultre plus doivent imprimer leur seel affin que oultre le nombre ordonné aulcun ne soit receu, et que le frere qui sera receu doye porter en acte autentiques sa reception avecques insertion de sa licence par vertu de la quelle il est receu. Aultrement ne sera accepté en nostre ordre jusques à tant que l’aye fait.
Next Reception 18 | Back to the Contents