1449.10.27.

In nomine domini amen.

Nos frater Julianis de Beninis prior Pisarum et frater Johannes de Altanis procurator generalis curie Romane sacre domus Hospitalis S[ancti] J[ohannis] J[erolimitani] visa commissione per [...] dominum magnum magistrum et suum generale capitulum celebratum Rhodi quintadecima Decembris 1449 nobis facta in quadam causa sive questione que vertitur et verti superabatur inter Anthonium Calvi filium condam Bernini Calvi agentem et petentem parte una et Antoninam tu Vayanu uxorem dicti condam Bernini Calvi, Petrum, Franciscam et Argentinam filium et filias dictorum condam Bernini Calvi et dicte Antonine parte ex altera se defendentes ut nobis constat per rescriptum in dorsu cuiusdam suplicac[ionis] scriptum manu domini cancellarii et secretarii r[everendissi]mi domini magni magistri et conventus Rhodi, cuius tenor talis est:

Magister Hospitalis Jherusalem et capitulum generale.

Comittimus venerabilibus priori Pisarum et procuratori nostro generali in Romana curia ut videant si ulterius prout procedi attentis tot ordinationibus factis in audientia nostra et si non debet procedi partibus inponere silentium.

Datum in nostro capitulo generali die sexta Octobris 1449.

Visis scripturis nobis porrectis et presentatis ambarum partium, specialiter compromisso facto per dictas partes in personas venli religiosi fratris Melchioris Bandini cancellarii et domini Petri Benet mercatoris et sententiata lata contentis in ea, visa licentia [...] magni magistri et visa sententia lata per iudicem ordinarium dominum Johannem Recondo et consilio domini Pauli Doto in dicta causa, viso instrumento et ultima voluntate Bernini Calvi, visis suplicationibus hincinde porectis et impetratis per utraque parte nobis presentatis et penis appositis ne ulterius procedatur in dicta causa, et quia nobis supradictis judicibus et commissariis ex meritis dicte cause clare constant et demonstratur, quod tam arbitrarii quam judex ordinarius bene, juste ac sententiate ac secundum justiciam et Deum, est visuri et judicatum et pronuntiatum et amodo esset pecatum, quod dicte partes molestarentur et inquietarentur et ad ulteriora in hac causa procederentur, motti igitur his et aliis, que movere possunt et debent, animum nostrum recte iudicatis pronuntiamus, decrevimus et declaramus per hanc nostram diffinitivam sententiam amodo non debere aliquid innovere nec petere aliqua racione vel causa. Imo debent dicte partes esse contento de dictis sententiis tam arbitrorum quam iudicis cum sint rectis, juste [...], imponentes silentium perpetuum sub penis alias positis.

Lecta, lata et publicata fuit supradicta / (182(183)r) sententia die vigesima septima Octobris anno domini 1449 per dictos dominos commissarios in introitu aule domorum archiepiscopalium in castro Rhodi [...] presentibus [...], in presentia [...] vocatis specialiter et rogatis.