1408.11.05.

5 November, 1408.
Master Fr. Philibert de Naillac and the Convent appoint Fr. Hamman zu Rhein as Prior of Germany after the resignation of Fr. Hesso Schlegelholtz, with Klingnau, Rheinfelden, Utrecht and Cologne as his four prioral chambers. - NLM Arch. 330, fol. 112v. Register = liber bullarum 1407-1408. - J. M. van Winter, Sources concerning the Hospitallers of St. John in the Netherlands, 1998, Bulls and Letters, n. 9.

Frater Philibertus etc. et nos conventus Rodi domus eiusdem religioso etc. fratri Hanmano ze Ryn dicte domus salutem etc.

[...] Igitur prioratum nostrum Alamanie per resignacionem per dicte domus fratrem Hessonem Schlegelholtz(a) , preceptorem Langoni et dicti prioratus priorem ultimum, de eo sua spontanea voluntate in manibus nostris factam et per nos acceptam vacantem presencialiter et ad nostram disposicionem racionabiliter propterea devolutum cum omnibus et singulis suis membris, pertinentiis et iuribus ad prioratum ipsum spectantibus et pertinentibus ac spectare et pertinere debentibus quoquomodo cum omni onere, emolumentis et honore et cum preceptoriis de Clingenow, R[hein]velden, Traiectensis et Coloniensis cameris suis et quas vobis pro cameris assignamus cum omnibus et singulis earum et cuiuslibet earum membris, pertinentiis et iuribus universis habendum, tenendum, regendum, gubernandum, augmentandum et meliorandum in spiritualibus et temporalibus tam in capite quam in membris vobis tanquam digno et benemerito invicem deliberato consilio auctoritate presencium sub responsione annua [...] florenorum auri de Florencia et boni ponderis per vos, prout pro cameris vestris vos continget, et per preceptores preceptoriarum dicti prioratus, prout pro preceptoriis suis pro rata eis pertinebit, receptoribus deputatis vel deputandis per nos ad recipiendum responsiones in prioratu prefato aut alii vel aliis, quibus et ubi ordinaverimus et mandaverimus, in festo nativitatis sancti Johannis Baptiste annis singulis ex pacto expresso infallibiliter exsolvenda et quibuscumque aliis oneribus dicto prioratui qualitercumque et quomodocumque incumbentibus et incumbendis, impositis et imponendis per vos et dictos preceptores, ut predicitur, ex pacto eciam ultra responsionem predictam supportandis de nostra certa scientia et speciali gratia benefaciendo in eodem conferimus, concedimus et donamus ad annos decem continuos et completos salvo iure communis thesauri ratione vacantie pro una annata retento nobis et specialiter reservato etc. [...].

Data Rodi die quinta mensis Novembris anno incarnacionis Domini millesimo CCCCo octavo.

(a) Schlegeolhtz ms.


first adaptation 29.07.2022 Jürgen Sarnowsky / revised 29.07.2022 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)


Back to the Calendar for 1408.