PrUB, JS 51

{Überlieferung}
München, Hauptstaatsarchiv, Ritterorden, Urkunden, Nr. 6042a/8 / Kopie, OBA 1337a.

{Drucklegungen}
aus A M. Pelech, Quellen über den Hochmeister Heinrich von Plauen (1410-1413) im Bayerischen Hauptstaatsarchiv in München und in Wien, in: Zeitschrift für Ostforschung 34 (1985), S. 19-38, hier 1, S. 25-26.

{Diplomatische Erörterung des Stücks}
Ausfertigung, Pergament, Siegel auf Pergamentstreifen.

[1] Ich Fricze Klieber, burger zu Nuremberg, bekenne und thu kuntt offenlichen mit dem brieff fur mich und alle mein erben allen den, die in ansehen, horn ader lesen, das ich mich gutlichen und fruntlichen vereintt han mit dem erwirdigen gaistlichen hirren, graffen Ludweigen von Wertheym, comthur des Theutschen Haus zu Nuremberg und pfleger der baley zu Francken, und mit hern Iohan von Venyngen, comthur czu Virnsperg, also:
[2] Das ich mit syben pferden sol reitten mit ihren hirren irs Ordens gein Prewßen, und sullen mich und mein pferde und knechte virkostigen als ander ir hirren und knechte an geverde. Und wann ich auch hynin gein Prewßen kome, so mag ich solt darinne nemen als ander reisige leutte, ab man den daselbist geitt. Darczu sie mich furdern sullen ungeverlichen.
[3] Und wer es auch, ab ich des reittens dheynen schaden neme, es were an gefencknuße, an pferden, ader wie sich der schade machte, darummb solten die vorg[e]n[an]tten hirren, ir nachkomen ader ir Orden mir ader mein erben nichts schuldig sein, daran czu geltten nach dheynerley widerkerunge darummb zu thun. Und ich ader mein erben sullen dheynerleyhande vorderunge darnach haben ader thun, wir ader nymantz von unsern wegen in dheynerley weise an alles geverde.
[4] Und des czu urkunde gebe ich, der obg[e]n[ann]te Fricze Klieber, in den brieff virsigeltt: mit meinem aigen anhangenden insigel, das ich an den brieft gehenckt han, zu einer vesten bestettigunge aller vorgeschr[ebenen] sache
an dem nächsten dinstage nach des Hailigen Kreuczs tage, als es herhaben wartt, nach Christs geburtt vierczehnhundert iar und darnach in dem czehnden iare etc.