PrUB, JS 479

© Jürgen Sarnowsky, Hamburg (1999-2009)

1420 Januar 11. Breslau.
{Regest}
Walter Schwarzenberg an Frankfurt: berichtet über den Schiedsspruch König Sigismunds im Konflikt zwischen dem Deutschen Orden und Polen-Litauen sowie über eigene Angelegenheiten.

{Überlieferung}
A= StA Frankfurt Conc. Basiliense v. 1431-1446, fol. 56.

{Drucklegungen}
aus A Deutsche Reichstagsakten, Ältere Reihe, Bd. 7-12: unter Kaiser Sigmund, bearb. D. Kerler, H. Herre, Gustav Beckmann, Gotha 1878-1906, hier Bd. 7, Nr. 279, S. 406-7 [danach hier].

{Diplomatische Erörterung des Stücks}
A Original auf Papier, Verschlusssiegel auf Rückseite ab. 

Min willigin dinst zuvor.

Ersamen lieben hern unde gudin fruende.
Als ich uwer ersamen wisheit geschriben han von der uzsprache wegen zuschen dem konige von Polen, herzoge Wytold unde den herrn zue Prueßen, des sin die Polentischin etwaz in unwillen; unde sin noch vaste ridde dazuschen, davon unser herre der konig noch faste {S. 407} unmueße hat. Docha sin der stede frunde, die iczunt hie sin, uf gestern zuo abende bi unserm herren dem konige gewest. Der hat mit en geritz (dabi ich auch was) uf soliche sache als sin gnade uns geschriben haette, unde auch uf andere sache, des nit noid ist uch iczunt davon zue schreiben. Unde hoffin daz wir umbe soliche sache kurzlichen uzgerichtit mogen werden.

Auch als ir unde die uwern, die wißinde sin, mir geschriben hat, des han ich dieselbin sache mit etlichen zuogelachtin riddin mit uwerm briefe an unsern gnedigen hern den konig bracht. Denselben briff sin gnade mim hern von Passaw [...]b vurgelegit hat, der auch wißinde ist unde meint zuo sinen mueßin mich in den sachen zuo virhoren. Das ich tegelichs wartinde bin gewest unde etwedicke bi unsers gnedigen hern des koniges gnaden unde mim hern vonn Passaw gewest bin.

Unde uf daz leste uf huede hat min herre von Passaw mir geantwurt, daz unser gnediger herre der konig faste willig in den sachin si, unde meint die sinen zu virhoren die auch wißinde sin, unde daz ich mich der wile nit ließe virdrießen. herumbe laßit uch nit virlangen, wand mich selbis sere virlangit unde virdrießet. Doch will ich gerne daz beste tuen.

Under mim ingesigel geben uf donrstag nach dem zwolftin tage.

cDen ersamen voersichtigen wissen burgermeistern unde rade                                                Walther Swarczinberg.
zuo Franckinfurt min lieben hern unde gudin frunden.c
Textkritische Anmerkungen

a Über dem o zwei Punkte.
b Lücke durch Beschädigung (für etwa 11 Buchstaben), vielleicht g[estern].
c Auf der Rückseite.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js479.htm) und Datum der Einsichtnahme; (2) im Druck: PrUB, JS 479 (1420 Januar 11. Breslau.)
Bearbeitungsstand: Text eingegeben (Regest: Sarnowsky, 19.12.2003; Text: Audrey Sue Peters, 15.2.2004) – Datum überprüft () – Text mit PrUB oder sonst Druck kollationiert (Sarnowsky, 12.2.2004) – Text mit Or. kollationiert () – äußere Merkmale beschrieben ()
  
Datum der Erstanlage: Freitag, den 19. Dezember 2003 — Letzte Änderung: 12. Februar 2005 von Jürgen Sarnowsky

Zurück zur Hamburger Homepage   / zurück zur Regestenliste für 1420.