PrUB, JS 403

1393 Januar 13. Marienwerder.

{Regest}
Der pomesanische Bischof Johann bezeugt den Schiedsspruch einer vierköpfigen Kommission, die den Streit zwischen dem Domkapitel zu Domesanien und dem Rat und der Gemeinde zu Marienwerder wegen der Regelungen in der Handfeste der Stadt zu Besitz- und Nutzungsrechten des Kapitels und der Stadt entscheidet und eine Buße für Verstöße festsetzt.

{Überlieferung}
B = OF 115 (alte Bezeichnung: Fol. Privileg. Capituli Pomezan.), fol. 14r-15.

{Drucklegungen}
Codex diplomaticus Prussicus, Urkunden-Sammlung zur älteren Geschichte Preussens, hrsg. Johannes Voigt, Bände 4-6, 1853-61, ND (in einem Band) Osnabrück 1965; Bd. 5, Nr. XLVIII, S. 57-60.

{Diplomatische Erörterung des Stücks}
Abschrift im Handfestenbuch des Domkapitels Pomesanien.

In Gotis namen amen. Wir bruder Johannes (1)von Gotis und pabistlichen stulis vorsichtekeyt bisschof czu Pomesanien offenbarn allen den dysen brif seen, horen adir lesen daz groze czweytracht, schelunge, clage und kryg entstanden was czwyschen den erbarn herren Johan Ryman ⁽²⁾probist, Johan Marienwerdir ⁽³⁾techante, Nycolaus Roghusen ⁽⁴⁾custos und unserem ganczen capitele czu Pomezan von eyner weyn und Petir Kunczels burgermeystere, rotmannen, burgern und der ganczen gemeyne unser stat Marienwerdir von der ander weyn. von der hantfesten weyn der egenanten stad, di got genode unsern vorfarn bischof Bertold ⁽⁵⁾hot gegebyn den burgern und der gemeyne der egenanten stad um etczliche articlen dy hirnoch geschreben sten und entrichtet syn. und daz vor uns {S.58} dy vorgenanten teyle von beyder seyt entrechteklichen czu rate worden, das sy yre sachen und schelungen gaben us der hant mechteclichen vor richter und vor scheppen in eyme geheygitten dinge, und dor czu vor dryen offenbaren schriberen der namen hir nach geschreben syn. viren erbarn und wysen mannen hern Heynrichen Heilsborge tumherren czur Frawenburg und official czu Ermeland, hern Herrmanne vam Czadel ritter, Johan von Bosgwicz, Stephan von Thesmisdorf dy sin dorczu irkorn sam fruntliche berichtislute rechtsprechere und entscheydere der egenanten hantfesten und article. und gelobten daz sy eren usspruch und berichtunge eweclichen stete und veste welden halden by eyner busse wy ader wigros dy berichtislute dy dor of worden setczen eweclich ane wedirrede eyn itezlich teyl vor sich und vor syner weyn czu halden alz das compromis daz do obir gemacht und geschreben ist volkomelich behelt. und das dy vorgenanten beyde teyl entrechteklichen von beyder weyn eynen usproch der berichtunge of dy vorgeschreben czweytracht flyslichen boten und daz do selbest dy vorgenanten berichtislute volkomelich von beyden teylen in aller czweytracht und articlen underwyset usprochen und entschyden, enschichten und berichten dy obingesprochene czweyunge und schelunge czumole von worten czu worten alz hir noch steet geschrebin.
Wir Henrich Heilsberg, Herman von Czadel, Johannes von Bosgwicz, Stephan von Tesmisdorf endegen, entrichten, entscheyden fruntlichen berichten und ussprechen entrechteclichen uf deze nochgeschreben article, also alz by noch geschrebin ist eweclichen an allerley wedirrede by deser noch geschrebenen busse genezlichen czu halden.
- Czu dem ersten daz allerley clage czweyunge, czorn, haz und nyt, muen, koste und schade, dy do synt gewesen. und scheen bis an dese kegenwertige czit uf dese noch geschrebin article adir von yren weyn czwischen den erbarn herren probiste und dem ganczen capitel der kirchen czu Pomezan von eyner weyn und den wisen luten burgermeistere, rotmannne und der ganczen gemeyne der stad Marienwerder von andir weyn sullen von keynem teyle noch desir czit in arge nymmir me vornuwet noch gewegen werden.
- Item daz dy hoven reyte do dy tumherren uffe wonen mit allem gebu^ede daz sy in alder besyczunge haben, sullen haben und behalden eweclichen mit allir hirschaft. Item daz der placz der do lyt vor dem tumhofe by dem gemeynen lantwege von dem orte des Caldinsteynes do dy vicarien ynne wonen, der do neest ist der stad thore gerichte czu geende noch eyme drybom of den ort des czunes des bowmgarten der des capitils ist an dem egenumten wege und daz der weg der obir den selben placs nedirwert geet czu dem Nogate sulle syn czu gemeynem nucze beyden teylen dem capitel und ouch den burgern. suader daz dy hirschaft dez egenanten placzis blybe des capitels unschedelich unserm herren dem bischofe von Pomezan ab der icht hirschaft do {S.59} hat, und daz daz capitel moge buwen adir buen lasen czwene spichere czu syme nucze by dy czwene spichere dy der burgere weyn uf den placz gebuet syn den burgern czu nucze, und daz noch capitel noch burgere vorbas obir dy vier egenanten spichere uf dem placze mere gebu^ede moge buen. is geschege mit yrer beyder wille.
- Item daz man an dem egenanten bomgarthen czune sal vorbas geen bis an daz ende dez egenanten bomgarthen und dene by dem Marienburgischen wege an des capitels czune. und vorbas an dem wege kegen der burger czigelschune bis czu dem flisschen daz do flust in dem grunde by der czigelschune der burger in den Nogat und den von dem flisschen do is in den Nogat vellet an dem Nogat ufwert czu geende bis undir der herren danczke, hen bis daz man kumpt kegen dem orte des tormis dez huses dez capitels neest by der burger Podelicz, und von danen geende gerichte uf bis uff den ort des selben tormis by dem alden wege der do etzwan us der stad hat gegangen. Und allis daz das bynnen desen egenanten umme reyt ist usgenomen daz wir vor van dem egenanten placze haben usgesprochen, sal daz capitel fry besiczen eweclich mit allir herschaft an allirley ansproche und hindernisse, alzo doch daz der weg der do durch der burgere podelicze geet neben dem wassere sal fry und offen bliben und gemeyne dem capitel und den burgern czu gemeynem nucze und das dy burgere mogen sant graben an dem orte des Kuybergis kegin yrer czigil schunen alzo verre alz wir das geczichen und bepfelet habin. Und das dy burgere keyn gebu^ede dor uf mogen setczen.
- Item daz das egenante capitel sal ungetwungen syn den weg czu halden von der stad obir den Nogat mit den burgern, bis du der burgere vorwerk wende, do der Mewysche weg abegeet, sunder daz von dannen sal das capitel halden dy helfte des gemeynen wegis uf der burger fryheit der do sal vier ruten breit syn bis uf yre sechs huben mit themmen, czunen, graben und brucken, dy andir helfte dez selben wegis sullen dy burgere halden noch yrer handfeste lute.
- Item das dy burgere sullen behalden de graben der do gegrabin ist uf der burgerefryheit by des capitels sechs huben. Und byn dem ende des Mergensehes, der grabe sal behalden dy wyte acht elen und andirhalbe ele in dy tüfe als her nu gegrabin ist, und daz sy den graben nicht sullen tifer noch weyter machen, noch andir graben obir dez capitels gut machen dem capitel adir yrem gute czu schaden ane des capitels willen und gunst.
- Item daz der egenante grabe als her yczunt geet von dem Nogat den grabin ufwert czu geende sal syn eyne grenicz czwischen den sechs hubin des capitels und dem Mergense und der burger fryheit bis czu eyner greniczen uf dem seiben graben alzo daz der selbe grabe eweclich der burgere sal syn und blyben. Und von der selben grenicz dy do geczechent ist uf dem graben sal man geen bis czu der neesten Mewischen greniczen do dem capitel der see von dem ordin {S.60} vor gegreniczt ist von der greniczen czu greniczen alz wyr si beczeychent haben mit den greniczen vort den see haben geubert noch unserm besten synne und allis was bynnen den greniczen und graben und dem Nogaten und den alden greniczen dez sees und der egenant sechs huben ist, das sal eweclich mit volkomener hirschaft und mit allem nucze an allirley ansproche und ane moze von der burgere weyn syn und bliben des capitels.
Ouch welle wir daz dese kegenwertege berichtunge und ussproch in articlen und puncten von beyder seit werde eweclichen krefteclichen und mechteclichen veste und stet gehalden. und welch teyl daz nicht enhilde daz sal syn bestanden sechshundert marg pruscher muncze dy sullen gevallen czweyhundirt marg und der tumkirchen czu Marienwerdir hundert marg und uns berichtisluten hundirt marg bynnen iare und tage. und dennoch sal dese kegenwertige berichtunge und ussproch eweclich stet und veste blyben.
Ouch behalde wir uns mechteklichen daz wir adir unser meyste teyl dese kegenwertige berichtunge und ussproch ab czilil dor uf were, ader ab sy an yrkeyme article unvornemlich were mogen offenbarn und beduten also dicke als daz not tut, und daz sy beyder sict yn an unser offenbarunge sullen lasen genugen. Und wir egenanten bruder Johannes bischof czu Pomezan mechtegen und bestetegen mechteclichen von worten czu worten alle dese vorgeschrebene dyng wenne sy beyde teyl offenbar libete und lobte, und wellen das sy beyde teyl halden sullen in allen articlen eweclichen stete und veste by der vorgeschrebenen busse.
Dez czu eyme ewigen geczugnisse und bevestunge haben wir desen kegenwertegen briff myt unserm ingesegele und unser capitel mit syme ingesegele und iczlicher desir vier vorgeschrebin berichtislute mit syme ingesegle. und dy egenanten unser stad Marienwerder mit erem ingesegele dy hir an alle gehangen sin. und ouch sich dese nochgeschreben dry offenbare schribere dor in underschrebin han.
Acta sunt hec in Refectorio castri nostri Marienwerder nostre Pomezan[ensis] dyoc[esis] anno domini M° CCC° XCIII°. indic[tione] prima, XIII die mensis Januarii, hora vesperarum vel quasi, pontificatus sanctissimi in christo patris et domini Bonifacii divina providencia pape VIII. anno quarto presentibus et discretis viris Henrico Vochs consodali suo, Petro Zorow, Nicolae Swarce, Nicze Tirchin, Nycolno Rosenow, Nicolno Nuehowf scabinis de Marienwerdir dicte dyoc[esis], ibidem in iudicio bannito presentibus et iudicium bannitum facientibus. necnon Johanne de Pusilin nostre Pomezan[iense] curie officiali, Johanne Rote, Paulo Sunnenberg, Johanne Thoran, Cuncze Bludow familiaribus nostris ac Nycolao presbytero dicte nostre dyoc[esis] testibus ad premissia vocatis specialiter et rogatis.

Inhaltliche Anmerkungen

(1) Johannes Mönch ist ab 1375 als Domherr in Marienwerder nachgewiesen. Nach dem Tode des Bischofs Nikolaus von Radam wurde er vom Kapitel zum Bischof gewählt, vgl. Mario Glauert, Das Domkapitel von Pomesanien (1284-1527). Untersuchungen zur Geschichte, Struktur und Prosopographie, Diss. phil. Berlin 1999-2009, S. 764-69; Christian Krollmann: Art. "Mönch, Johannes", in: Altpreußische Biographie, Bd. I, S. 306.

(2) Johannes Rymann ist ab 1378 als Domherr in Marienwerder nachgewiesen, zwischen 1388 und 1403 war er dann Propst des Domkapitels Marienwerder und wurde - nach einer Tätigkeit als Jurist des Hochmeisters - 1409 zum Bischof von Pomesanien gewählt, vgl. Glauert, S. 772-78;Westphal: Art. "Rymann, Johannes", in: Altpreußische Biographie, Bd. I, S. 307.

(3) Johannes Marienwerder ist ab 1387 als Domherr in Marienwerder sowie 1388-1417 als Dekan des Domkapitels nachgewiesen, vgl. Glauert, S. 779-85; Westphal: Art. "Marienwerder, Johannes", in: Altpreußische Biographie, Bd. I, S. 305f.

(4) Nikolaus Roggenhausen ist ab 1375 als Domherr in Marienwerder und 1388-1396 als Kustos des Domkapitels nachgewiesen, vgl. Glauert, S. 819-20.

(5) Berthold von Riesenburg ist seit 1321 als Domherr in Marienwerder und 1330-1331 als Propst des Domkapitels nachgewiesen und wurde bald darauf zum Bischof gewählt, vgl. Glauert, S. 705;Wernicke: Art. "Risenburg, Berthold von", in: Altpreußische Biographie, Bd. I, S. 53.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js403.htm) und Datum der Einsichtnahme; (2) im Druck: PrUB, JS 403 (1393 Januar 13. Marienwerder.)
Bearbeitungsstand: Text eingegeben (20. Februar 1999-2009 Tobias Goerke) – Datum überprüft () – Text mit PrUB oder sonst Druck kollationiert (20. Februar 1999-2009 Tobias Goerke) – Text mit Or. kollationiert () – äußere Merkmale beschreiben ()

Datum der Erstanlage: Samstag, 20. Februar 2001 — Letzte Änderung: 20. Juli 1999-2009 von Jürgen Sarnowsky

Zurück zur Hamburger Homepage / zurück zur Regestenliste für 1393.