PrUB, JS 326

{Überlieferung}
B = OF 2c, p. 206 [olim Registrant des Hochmeisters Konrad von Jungingen, Nro. II, fol. 94hv].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 88-89.

{Diplomatische Erörterung des Stücks}
Gleichzeitige Abschrift, Papier.

Lieben getruwen.
Bey uns sint gewest euwer eldesten, noch der czit, als sie von dem allerdurchlucten und hochgebornen herren Alberto konige czu Sweden an uns und an unsern Orden mechticlich gewisen worden und ire holdunge von iren wegen und von euwer ganczen gemeyne geton hatten, legten sie uns vor eczliche gebrechen und schelunge von euwer aller wegen und des landes, doruff wir in haben geantwert und antwerten euch ouch also, das wir czu vordern tagen, des ersten des wir mo^egen o^ebersenden wellen unser gebitiger eynen, der die gelegenheit des landes eigentlich besehen sal und euwer und des landes gebrechen gutlich o^eberho^eren. Und sal denne aldo die selben schelunge und gebrechen wandeln und enden noch euwer und des landes bequemkeit. Und begeren von euch allen, das ir dem selben gebiteger, den wir czu euch senden werden an unser und des ganczen ordens stadt, gelobet die holdunge also czu halden, als sie euwer eldesten uns gesworen und geton haben von euwer aller und der gancze gemeyne czu Gotlandt.
Geben uff unserm huse Marienburg am Fritage vor Nativitatis Marie nach Cristi geburdt XIII^c im newnczigsten Jare^a) under unserm Ingesigel hie nyden angedrukt.

^a) Soll heißen 1399.