PrUB, JS 321

{Überlieferung}
B = OF 2c, p. 237-38 [olim Registrant des Hochmeisters Konrad von Jungingen, Nro. II, fol. 109r-v].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 93.

{Diplomatische Erörterung des Stücks}
Gleichzeitige Abschrift, Papier.

Eynfeldige befelunge etc.
Allirdurchluchster forste und grosmechtiger gnediger herre. Euwir grosmechtikeit geruche czu wissen, das dy allirdurchluchste forstynne und frauwe, frauwe koniginne von Denemark, ire achtbare botschaft an uns gesant hatt sampt mit irer grosmechtikeit briefe, des selbin usschrifft wir euwir durchluchtikeit senden in desem brive vorslossen. Grosmechtiger gnediger herre, noch werbe des selbin bothen und inhaldunge des briefes dy grosmechtige frauwe koniginne vorgeschriben anspricht und von uns heisschet das land czu Gothland und dy stadt Wysby, dy wir von euwir durchluchtikeit in vorsaczunge habin.
Worumb, allirdurchluchster forste und grosmechtiger besunder herre, euwer grosmechtikeit wir bitten luterlich, das ir, gnediger herre, das selbe landt czu Gotland und dy stadt Wysby uns geruchet ken der frauwen koniginne czu fryen und czu vortreten mit recht nach inhaldunge euwir grosmechtikeit vorsegelten briefe uns gegebin. Und ab dy selbe fryunge und vortretunge mit rechte von euwir grosmechtikeit bynnen eyme jare nicht geschege, des wir doch nicht enhoffen, so wisse euwir durchluchtikeit, das wir denne musten doruff denken, das wir teten dorynne, do wir mogelich ane teten noch euwir brive luthe, und bitten euwir grosmechtikeit uns des eyne gnedige antwert widder czu schriben.
Gegeben czu Marienburg am Sonnabunde vor Symonis et Jude apostolorum im XCIX jare.