PrUB, JS 292

1401 November 2. Marienburg.

{Regest}
Hochmeister [Konrad von Jungingen] an König [Albrecht] von Schweden [Herzog von Mecklenburg]: fordert ihn auf, seine Zusage in Sachen Gotlands einzuhalten, den Orden gegen die Ansprüche der Königin von Dänemark zu verteidigen; hat Tag zu Schonen nicht besandt, während sich der Großschäffer als Vertreter des Ordens Beschwerden der dänischen Königin, des Königs, des pommerschen Herzogs und des Herzogs von Schleswig gegenübersah.

{Überlieferung}
B = OF 3, p. 75 [olim Registrant des Hochmeisters Konrad von Jungingen, Nro. 1b, fol. 35].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 126-27.

{Diplomatische Erörterung des Stücks}
Gleichzeitige Abschrift, Papier.

Dem konige von Sweden.

Eynfeldige bevelunge etc.
Allirdurchluchter forste grosmech[tiger] gnediger herre, euwir durchluchtikeit wol czu gedenken steet, wy wir vor Unser Frowen tag Assumpcionis leczt vorgangen euwir grosm[echtikeit] fliseclich bittende schreben, das euwir hochwirdekeit die euwren off den tag czu der frowen konigynne von Denemark off den selben Unser Frowen tag mit ir czu halden senden geruchte ken Schone yn das hul, mit foller macht, von das landes wegen Gotlant uns vortretende noch uswisunge euwir herlichkeit briffe, und hatten wol gehoffet, das euwir grosm[echtikeit] die euwren off den selben tag solde gesant haben, das doch nicht gescheen ist, sunder eynen briff santhe euwer durchlucht[ikeit] bittende, das wir euch nicht enterbeten etc.
Grosmecht[iger] herre, gar ungerne wolden wir euwir herlichkeit enterben ader yn eyngerley wise noch eyme semelichen steen, wend wir wol wissen das wirs unmogelich teten, euwir grosm[echtikeit] offte vornomen hat, wie wir mancherley und hertlich umb das selbe lant Gotlant gemanet werden. Und haben alle wege euwir durchlucht[ikeit] geschriben bittende, das euwir hochwirdikeit uns ire briffe halden welde und uns vortreten von des selben landes wegen, als euwir briffe uswisen, das noch bis her nicht gescheen ist. Euwir grosm[echtikeit], schribt uns wol off tage darumme czu komen ader nicht mee volget do noch, und wir jo swere manunge lyden mussen. Ouch so mag euwir durchlucht[ikeit] von den euwren von der Wismar und von Rostok wol vornomen haben, als wir unsern grosscheffer off den selben tag gesant hatten, und sie ouch do woren, wie wir von der frowen konigynne und dem herren konige von Denemarken und von den Pomerischen herczogen und von dem herczogen von Sleswig, die ouch do woren, muntlich gemanet sint, und des selben sie uns ouch ire briffe gesant haben, uns hertlich dorinne manende. Und wo wir im des landes nicht abetreten, so sprechen sie alsampt, sie wellen alle ire frunde czu irre hulfe czien als lange, bis in Gotland wedir wirt. Das euwir grosm[echtikeit] wol {S. 127} dirkennen mag, das is uns gar swere were czu halden, und uns ouch nicht fuget eyngerley krig anczuslahen umb des selben landis wille. Und dorumme, so wisse euwir grosm[echtikeit], wert ir uns euwir briffe nicht halden, so haben wir euwir durchluchtikeit nicht vorsegilt noch vorschreben und mussen dor off gedenken, wie wir uns dorane sunder krig vorwaren mogen. Dorumme so mogt ir mit ernste vorder do czu denken und dirkennet, was truwe unser orden by euch getan hat und was wir iczunt umb euwern willen lyden mussen und vortreet uns noch von des landes wegen, off das wir ungemanet bliben. Wend uns nicht steet mit den dryn richen und mit andern herren, die sich do czu czien, eynen krig anczuslaen.
Gegeben off unserm huse Marienburg an der Mittewoche noch Allir Heiligen tage im XIIII^C und ersten iare.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js292.htm) und Datum der Einsichtnahme; (2) im Druck: PrUB, JS 292 (1401 November 2. Marienburg.)
Bearbeitungsstand: Text eingegeben (Jürgen Sarnowsky, 27.7.2001 [Regest]; Sebastian Kubon, 11.3.2003 [Quelle]) – Datum überprüft (Jürgen Sarnowsky, 27.7.2001) – Text mit PrUB oder sonst Druck kollationiert (Sebastian Kubon, 11.3.2003) – Text mit Or. kollationiert () – äußere Merkmale beschrieben ()

Datum der Erstanlage: Freitag, 21. Juli 2001 — Letzte Änderung: 15. März 2003 von Jürgen Sarnowsky

Zurück zur Hamburger Homepage / zurück zur Regestenliste für 1401.