PrUB, JS 291

1401 November 2. Marienburg.

{Regest}
Hochmeister [Konrad von Jungingen] an die Städte Wismar und Rostock: bittet, auf König [Albrecht von Schweden, den Herzog von Mecklenburg] im Sinne des Ordens einzuwirken, daß er seine Zusage einhält, den Orden wegen Gotland zu unterstützen, um das der Großschäffer [Johann Tirgard als Vertreter des Ordens] von der dänischen Königin, dem König, dem Herzog von Pommern und dem Herzog von Schleswig gemahnt worden ist, da er das Land nur zum Besten des gemeinen Kaufmanns besetzt hat.

{Überlieferung}
B = OF 3, p. 77 [olim Registrant des Hochmeisters Konrad von Jungingen, Nro. 1b, fol. 36].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 127-128.

{Diplomatische Erörterung des Stücks}
Gleichzeitige Abschrift, Papier.

Den steten Wismar und Rostok.

Ersamen liben frunde.
Ir mogt wol vornomen haben von den euwren, die leczt off dem tage gewest sint by der frowen konigynne von Dennemarken, do ouch unser grosscheffer kegenwertig ist gewest, wie do selbis unser grosscheffer von der frowen konigynne und dem herren konige von Denemarken und do nach von den Pomerischen herczogen und von dem herczogen von Sleswig und ouch von den rethen der riche hertlich gemanet ist umb das lant Gotlant, die selbe manunge vordan an uns czu brengen. Do von sie uns ouch alsampt ire briffe, in den sie uns swerlich manen geschriben haben, und wir von euwerm herren dem konige noch synir briffe uswisunge keyne vortretunge haben mogen von des selben landes wegen, das wir euch clegelich schriben. Nu mag euch wol czu gedenken steen, als euwir herre der konig yn gefengnisse was, das ir czu uns grosse czuvorsicht und czuflucht hat und mit grosser bete an uns quomet, und wie sich unser orden czu der czit umb euwirs herren des konigis und euwir libe wille fruntlich bewisete, vil botschaft off unser eigene koste geslagen, und also gros dor undir arbeiten, das euwir herre von den gnaden Gotis us deme gefengnisse quam. Do noch, wie is mit dem lande Gotlandt gescheen ist, wie sich unser orde euwerm herren czu grosser hulfe des selben undirwunden {S. 128} hat, is ouch allis wissentlich. Also das uns werlich, liben frunde, unmogelich dunket und sere vordrust, das uns truwe arbeit und mu^ewe an euwerm herren also gar wenig bewant ist, das wir semeliche herte manunge lyden mussen von synir wegen, das her gar cleyne czu herczen nympth. Und wir wol getruwet hetten, her sulde uns gehalden haben syne briffe, des wir noch nicht befinden. Hirumme liben frunde, wend wir jo yn rechten truwen und fruntschaft czu befreden den gemeynen kouffman czu deme lande komen sien, bitten wir euch liben frunde, als wir hogeste mogen, das ir ansehet unser truwe czerunge und mancherley arbeit, die wir umb euwirs herren und euwir libe wille getan haben. Und underwiset euwren herren, das her uns noch syne briffe halde und uns vortrete von des landes wegen Gotlant, das wir ungemanet bliben. Wo das nicht geschege, so mussten wir doroff denken, wie wir uns dorundir vorwaren mogen sunder krig. Wend uns jo nicht fuget mit den dryn richen und mit andern herren dy sich czu in czien, eynen krig anczuslan umb des selben landes wille. Und bitten eyn antwert deses briffes by desem kegenwertigen bewiser.
Gegeben off unserm huse Marienburg an der Mittewochen noch Allir Heiligen tage im XIIII^C und ersten jare.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js291.htm) und Datum der Einsichtnahme; (2) im Druck: PrUB, JS 291 (1401 November 2. Marienburg.)
Bearbeitungsstand: Text eingegeben (Jürgen Sarnowsky, 27.7.2001 [Regest]; Sebastian Kubon, 11.3.2003 [Quelle]) – Datum überprüft (Jürgen Sarnowsky, 27.7.2001) – Text mit PrUB oder sonst Druck kollationiert (Sebastian Kubon, 11.3.2003) – Text mit Or. kollationiert () – äußere Merkmale beschrieben ()

Datum der Erstanlage: Donnerstag, 27. Juli 2001 — Letzte Änderung: 15. März 2003 von Jürgen Sarnowsky

Zurück zur Hamburger Homepage / zurück zur Regestenliste für 1401.