PrUB, JS-JL 71

{Regest}
Hochmeister [Konrad von Jungingen]¹⁾ an den Adel und die Städte der Neumark: ist von König Sigismund von Ungarn gebeten worden, die Neumark und den von ihm eingesetzten Johann von Wartenberg gegen Angriffe zu schützen; fordert sie auf, den Hauptmann und die Neumark gegen etwaige Gewalttätigkeiten in Schutz zu nehmen; ist gerne bereit, das Seine zu tun.

{Überlieferung}
B = OF 2c, p. 76 [olim Hochmeister Registr. Nr. 2, p. 35v.].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 114.

{Diplomatische Erörterung des Stücks}
Register-Überlieferung.

Den edlingen und den gemeynen stete der Nuwen Marke obir Odir wart desir brif gesant.

Allen und besundern rittern [...] knechten [... ] und allen edlingen [...] und den gemeynen steten der nuwen Marken obir Oder entpiete wir bruder Cunrot von Jungingen homeister Du^etschs ordins fruntlichen grus mit aller beheglichkeit bevor
Edlen und besundern lieben frunde. Der allirdurchluchster furste, unser gnediger herre der konig czu Ungern, hot uns geschreben und geheisen, ab ymands dy Nuwemark, dy her befolen hat alz eyme houptmann dem edlen herrin, herrn Johan von Wartenberg, vorunrechten und beschedigen welde, das wir das hulfen stueren und weren, so wir vorerste mochten. Wen wir nu und allecziet bereit syn czu volbrengen dy begerunge und geheyse unsers gnedigen herren des konigs czu Ungern, alz vil als wir mogen, des so bitten wir uch allen alz unsere besundern frund, das ir den den edlen herren hern Johan von Wartenberg egenant dy landt helfet beschirmen und schutczen vor unrechter gewalt und anfechtunge, ab is not tete. Desglichen wir ouch dem edlen hern hern Johan und uch helfen wellen, alz vil wir mogen.
Geben uff unserm huse ut supra.²⁾

¹⁾ Hochmeister von 1393 bis 1407.
²⁾ Im vorangehenden Stück, js-jl67.htm, datiert Schonse am Montage vor Mathei anno XCVI^to, d.h. 1396 September 18.