PrUB, JS-JL 54

1395 Mai 8. Marienburg.

{Regest}
Hochmeister [Konrad von Jungingen]¹⁾ an Herzog Wladislaw von Oppeln: hat mehrfach deutlich gemacht, dass er sich nach Absprache mit seinen Gebietigern nicht auf den Ankauf des Dobriner Landes einlassen wird, zumal er trotz mehrfacher Aufforderung nicht den Wortlaut der Verleihungsurkunde König Ludwigs erhalten hat; bittet aber, dem Orden weiterhin gnädig zu bleiben.

{Überlieferung}
B = OF 2c, p. 32-33  [olim Registrant des Hochmeisters Konrad von Jungingen, p. 14v-15r.]

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 93.

{Diplomatische Erörterung des Stücks}
Register-Überlieferung.

Irluchter furste und lieber herre.
In unsern briefen, schriften, register und ouch selbes worten mit hern Bernhard euwern kenczeler wir ofte by desem jare bedutet haben und entlich vorschriben, das uns in kowffs wyse nicht ist umb das land Dobryn, durch der vorbyndunge, die do usgedrocket wir funden in der copie by uns euwers houbtbrifes obir das land Dobryn gegeben von dem hochwirdigen herren Lodewige konige czu der czeit czu Ungarn. Und das gancze jar und den noch me wir woren uch anmutende eyne usschrift des selbigen briefes von euwer herlichkeit und sy mochte uns ny werden, darumme wir eyns worden mit unsern gebitigern, das wir an den kowff des selbigen landes nicht wolden noch enwellen. Und unsers willen meynunge wir uch ofte haben geschriben vor eyn entliche antwort und antwerten in desen keginwertigen entlich euwer herlichkeit. Und bitten uch fruntlichen, das irs lat besteen by dem selbigen und vorwert keyne muynis, czerunge noch koste dor umb habit. Und bleibet unser gnediger herre, als ir vormals seit gewest, und werbit unsers ordens beste. Das welle wir gerne mit unserm orden vorscholden wo wir mogen.
{Datierung} Gegeben czu Marienburg am tage Stanyslay anno nonagesimo quinto.²⁾

¹⁾ Hochmeister von 1393 bis 1407.
2⁾ 1395 Mai 8.