PrUB, JS-FS 140

© Jürgen Sarnowsky, Hamburg (2003-2009)


 1402 August 9. Ahrenswalde.
{Regest}
Ritterschaft, Adel und die Städte der Neumark bezeugen, dass sie Hochmeister Konrad von Jungingen und dem gesamten Orden bei der Übergabe der Neumark an den Deutschen Orden gehuldigt haben; bezeugen, dass der Hochmeister bereits ihre Privilegien bestätigt hat.

{Überlieferung}
A = Pergament-Urkunden, Schieblade 43, Nr.8.

{Drucklegungen}
aus A: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 174-175.

{Diplomatische Erörterung des Stücks}
Originalurkunde, 10 Siegel, meist gut erhalten

Wir Heynrich von Guntersberg ritter, Hasse von Wedel, der do wont tzu Nuwen Wedel, Alde Hans von Brederlow, der do wont tzu Derczow, Claws von Sancze. Michil von Sydow und Conrodt von der Marwitz knechte im namen aller ritthere, knechte und edlynge der Nuwen Marke und dor czu wir burgermeistere, ratmanne und gemeyne desser nachgeschrebin stete, Arnswalde, Fredeberg, Landisperg, Soldyn und Konyngisperg im namen aller stete und nemlich im namen aller inwoner der vorgeschrebin Nuwen Marke beyde uff dem lande und ouch in steten uff dissit der Oder, bekennen offentlich mit craft desses briffes allen kegenwortigen und czukumftigen, als der herre Stybor vormals woywoydi czu Sybbenbürgen mit vullermacht unsers allergnedigisten herren, hern Sigmundes konigis czu Ungern die vorgeschrebin Nuwe Marke mit aller erer czubehorunge recht und redlich vorkoufft hatt dem erwirdigen gheystlichin herren, hern Conrodt von Jungingen des ordens der bruedere des spyptales Sente Marien des Dutschen huses von Jerusalem homeistere und synem ganczen orden und noch dem als her uns frey und los saytte alle der eyde, huldunge und verphlichtunge die wir dem vorgenanten unserm allergnedigisten herren, hern Sygismundo konge czu Ungern adir ymande anders in synem namen gethan hatten und her uns vulmechtichlich hatte gewist an den egenanten herren homeister und synen orden.
So haben gesworn und gehuldet beyde wir obingeschrebin und gemeynlich alle manne, ritther, knechte und edlynge und dorczu alle stete, rad und gemeyne der vorgeschreben Nuwen Marke mit gutem willen und wolbedochten mute dem egenanten unserm gnedigen herren homeister Dutsches ordens czu Prusen und synem orden und gelobin im namen aller manne, ritther, knechte und edelynge und im namen aller stete, burgermeistere, ratmanne, gemeyne und inwonere der vorgeschreben Nuwen Marke in guten truwen und eren, ane allerleye arglist von im und synem orden nymmerme tzu treten ewiglich.
Is wer denne, das uns unser herre homeister und syn orde verwiste mit hande und mit munde mit gutem willen und wolbedochten mute und uns ledig saytte der huldunge und swerungen, die wir im haben gethan und synem orden.
Vortmer so bekenne wir offentlich mit dissem briffe im namen aller manne, ritther, knechte und edlynge und im namen aller stete und inwoner der obirgeschreben Nuwen Mark, das unser herre homeister vorgenant czwyne briffe deme lande, rittern, knechten und steten der Nuwen Marke gege- {S. 175} ben hat. In den her bestetiget alle unser privilegia und vrygheyten, gegeben von keysern, keysers kindern, fursten und herren, rechten herren des selbin landes, die selben czwyne briffe also gegeben von unserm gnedigen herren homeister sullen unschedelich syn allen articulen des houptbriffes obir den kouff des selben landes, der gegeben ist von dem aldirluchsten unserm gnedigisten herren, hern Sygismundo, konge tzu Ungern.
Czu merer sicherheit, das wir die vorgeschrebene unser huldunge stete und veste wellen halden hab wir obirgeschrebene ritther, knechte und stete im namen aller anderen beyde edlyngen, burgern, gebur, gemeyne adir welcherleye sie synt in der Nuwen Mark gesessen uff deme lande und in der steten unser ingesegil an dessen briff lassen hangen, der gegeben ist czu Arnswalde an deme Abunde Sancti Laurencii im vierczenhundersten und andern jore.1
Inhaltliche Anmerkungen
1) 1402  August 9.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs140.htm) und Datum der Einsichtnahme; (2) im Druck: PrUB, JS-FS 140 (1402 August 9. Ahrenswalde.)
Bearbeitungsstand: Text eingegeben (11. September 2003 Frauke Schmitz) – Datum überprüft (11. September 2003 Frauke Schmitz) – Text mit PrUB oder sonst Druck kollationiert (11. September 2003 Frauke Schmitz) – Text mit Or. kollationiert () – äußere Merkmale beschrieben ()
Datum der Erstanlage: Donnerstag, den 11. September 2003 — Letzte Änderung: 26. Januar 2009 von Jürgen Sarnowsky
Zurück zur Hamburger Homepage   / zurück zur Regestenliste für 1402