PrUB, JS-FS 132

© Jürgen Sarnowsky, Hamburg (2003-2009)


 1401 August 25. Marienburg.  
{Regest}
Gerhard von Dewis und Jurge von Wedel bekennen ihre Schuld von 200 Schock Böhmischer Groschen gegen&uumL; Hochmeister Konrad von Jungingen und dem Orden; bekräftigen ihren Willen zur Rückzahlung der geliehen Summe innerhalb von zehn Jahren; verpflichten sich zur Unterstützung des Ordens auf 10 Jahre gegen Polen mit je 10 Glevenien.

{Überlieferung}
A = Pergament-Urkunden, Schieblade XII, Nr. 16.

{Drucklegungen}
A: aus Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 161-163.

{Diplomatische Erörterung des Stücks}
Originalurkunde mit vier erhaltenen Siegeln
Wir Gerhardt von Dewis und Jurge von Wedeln
bekennen offenlich in dessem brieffe allen, di in sehen hoeren oder lesen, das wir, unser erben und nochkomlinge mit {S. 162} rathe und willen unser frunde hie neden geschreben schuldig seyn und beczalen sullen czweihundert schog grosschen Behemisscher muntcze und werunge dem erwirdigen geistlichen herren, hern Cunradt von Jungingen, homeister Duetsches ordens und seynem orden, die her uns durch unser flissigen bete wille fruntlichen und in guten truwen hat gelegen und geloben vor uns, unser erben und nochkomelinge bey truwen und bey eren, an allerley argelist und nuwe fuende und mit gesampter hant eyner vor beyde und iclicher besundern, also das sich keyner unser von dem andern in desser schult gesundern noch geteilen moge die vorgenanten czweihundert schog grosschen den egenanten herren homeister und dem orden uff dem husse Slochow von dem nehesten Sandt Michels Tage1 bynnen czehen jaren nochenander volgende gancz und gar czu genuge czu beczalen.
Also bescheidenlich, das wir uff Sandt Michels Tage der vom nehesten Sandt Michels Tage vort ober drey jor komen wirt2 geben und beczalen sullen funfundczwenczig schog Behemisscher grosschen uff dem husse Slochow vorgenant und sullen dornoch alle jor uff Sandt Michels Tag3 funfundczwenezig schog grosschen geben und beczalen, also lange bis das wir die vorgenanten czweihundert schog grosschen dem herren homeister und dem orden bynnen den nehesten czehen joren als vor geschreben ist gancz und gar czu danke beczalen.
Teten wir das nicht, das wir unser erben oder nochkomlinge uff die vorgeschriben tage nicht wurden beczalen als vorgesprochen ist, denne noch iclichen Sandt Michels Tage der beczalunge vier wochen geloben wir bey guten truwen, das unser iclicher vorgeschreben mit czwen knechten und dryn pferden ungemanet inryten wellen und sullen in die stadt Konicz in eyne ersame herberge, do wir von des herren homeisters wegen ingewiset werden und aldo eyn gewonlicher inleger thuen und leisten und dor us nicht komen bey truwen und eren also lange, bis das vorsessen umbeczalte gelt umb das wir ingeriten seyn von uns, unser erben und nochkomelingen gancz czu genuge beczalet werde.
Gescheges ouch, das wir in die stadt czur Konicz nicht wurden inryten als vorgeschreben ist, also das herre homeister und der orden dorumb manen müsten, czerunge und muee dornoch muste haben, was sie das kosten wurde, das sulle wir sampt mit dem houptgelde an allerley widerrede iren slechten worten doran czu gelouben genczlich beczalen.
Und wir Heynrich von Guntersperg, ritter, Henning von Wedeln geloben bey truwen und bey eren sampt mit Gerhardt und Jurgen unsern frunden vorgenant mit gesampter hant eyner vor alle und iclicher besundern die vorgeschriben czweihundert schok grosschen uff die vorgenanten tage dem herren homeister und dem orden czu danke czu beczalen und uff welchen tag wir nicht beczalen wurden, so sal unser iclicher in eigener persone ouch inryten und leisten in der stadt czur Konicz in aller- {S. 163} wisse als vorgeschreben ist.
Gescheges ouch, das der vorgeschreben burgen irkeyner her Heinrich oder Henning bynnen den czehen jaren der beczalunge abgeen wurden von desser werlde do Got vor sey denne so geloben wir Gerhardt und Juerge vorgeschreben oder unser erben eynen andern gewissen burgen bynnen czwen monden an des toden stadt widerschicken, wo wir des nicht enteten so sullen wir inryten und leisten czur Konicz in aller wisse als vorgeschreben steet und dorus nicht czu komen bey truwen und eren bis das wir eynen andern gewissen buergen doran dem herren homeister genuge wider geschicken.
Sunderlichen so geloben wir Gerhardt und Jurge von Wedeln vorgenant vor uns, unser erben und nochkomlinge bey truwen und bey eren, das wir dem herren homeister und dem orden helfen wellen iclicher mit czehen glefenyen uff den konig und konigreich czu Polan mit seyner czugehorunge und synen helfern von der gebunge desses brieffs czehen gantcze jar mit hulfe, rate und tate und bey in czu bliben die czeit ober mit sulchen vorworten wenne der herre homeister uns oder unser erben heisschen wirt im czu hulfe czukomen uff den konig und konigreich czu Polan, so sal mans mit uns halden mit dem solde, mit der beczalunge und mit allen andern dingen als mans mit den Wedelisschen halden wirt, nach deme als ir vorsigelter brieff dorynne sie sich ouch sulcher hulfe vorpflichtet haben, volkomlich uswiset und noch dem brieffe sulle wirs ouch wider halden mit dem herren homeister und dem orden.
Czu urkunde, bevestunge und merer sicherheit desser dinge haben wir Gerhardt von Dewis und Jurge von Wedeln selbschuldiger und Heynrich von Guntersperg und Henning von Wedeln, burge unsere ingesigele von rechten wissen an dessen brieff lassen hengen, der gegeben ist uff dem husse Marienburg in den jaren unsers Herren vierczenhundert dornoch am ersten jare am nehesten Donrstage nach Sandt Bartholomei Tage des heiligen apostels.4
Inhaltliche Anmerkungen
1) 1401 September 29.
2) 1404 September 29.
3)  September 29.
4) 1401 August 25.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs132.htm) und Datum der Einsichtnahme; (2) im Druck: PrUB, JS-FS 132 (1401 August 25. Marienburg. )
Bearbeitungsstand: Text eingegeben (10. September 2003 Frauke Schmitz) – Datum überprüft (10. September 2003 Frauke Schmitz) – Text mit PrUB oder sonst Druck kollationiert (10. September 2003 Frauke Schmitz) – Text mit Or. kollationiert () – äußere Merkmale beschrieben ()
Datum der Erstanlage: Mittwoch, den 10. September 2003 — Letzte Änderung: 26. Januar 2009 von Jürgen Sarnowsky
Zurück zur Hamburger Homepage   / zurück zur Regestenliste für 1401