PrUB, JS-FS 130

© Jürgen Sarnowsky, Hamburg (2003-2009)


 1401 August 7. Schlochau.  
{Regest}
Matzke Borke und Wilke Manteuffel bekennen ihre Schuld von 400 Mark gegenüber Hochmeister Konrad von Jungingen und dem Orden und geloben die Rückzahlung der Summe binnen 10 Jahren, unter Nennung der Zahlungsbedingungen und der Maßnahmen bei Ausbleiben der Zahlungen.

{Überlieferung}
A = Pergament-Urkunden, Schieblade XII, Nr.9.

{Drucklegungen}
aus A: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 158-159.

{Diplomatische Erörterung des Stücks}
Originalurkunde, Siegel sind abgeschnitten
Wir, Matzke Borke wonhaftig czu Stramel und Wilke Mantueffel wonhaftig czu Colpin,
bekennen offenlich in dessem brieffe allen, die in sehen hoeren oder lesen, das wir, unser erben und nochkoemelinge schuldig syn und beczalen sullen vierhundert mark gewonlicher Pruesscher muncze dem erwirdigen gesitlichen herren, hern Cunradt von Jungingen, homeister Dutsches ordens und synem orden, die her uns an gereitem gelde gewonlicher czal gut und gebe, also das uns volkoemlich doran genuget uff dem husse czu Slochow fruntlichen und in guten truwen gelegen hat und geloben vor uns, unser erben und nochkomelingen bey truwen und bey eren, an allerley argelist und nuewe fuende und mit gesampter hant, also das sich keyner unser von dem andern an desser schult gesundern oder geteilen moege, sunder eyner vor beyde die vorgenanten viehundert mark Prusches dem egenanten herren homeister und dem orden uff dem husse Schivelbein von dem nehesten Sandt Michels Tage bynnen czehen joren gancz und gar czu beczalen, ane allerley hindernuess unvorczogenlich sullen geben und beczalen. Oder do voer als vil vynkenougen als di funczig marg Prusch noch gemeyner beczalunge wirdig syn und sullen dornoch alle jor uff Sandt Michels tag funfczig mark Prusch oder vynkenougen do vor geben und beczalen also lange, bis das wir die vorgenanten vierhundert mark bynnen den czehen nehsten jaren dem herren homeister und dem orden gancz und gar beczalen.
Teten wir des nicht, das wir unser erben und nochkomelinge uff die tage als vorgeschreben steet nicht beczaleten, denne vier wochen noch yclichem Sandte Michels Tage der beczalunge geloben wir bey guten truwen, das unser iclicher mit czwen knechten und mit dryn pferden ungemanet in ryten sal in die stadt czur Konicz in eyne herberge do wir von des herren homeisters wegen ingewiset werden und aldo eyn gewonlich inleger thuen und leisten und wellen noch sullen dorus nicht komen bey truwen und eren also lange bis das das vorsessen umbeczalte gelt umb das wir ingereten seyn von uns, unsern erben und nochkomelingen {S. 159} gancz czu genuge beczalet werde.
Gescheges ouch das wir in die stadt czur Konicz nicht wurden inriten als vorgeschreben ist, also das der herre homeister und der orden  dorumb manen müste czerunge und muee dornoch haben müste, was sie das kosten wuerde, das gelobe wir an allerleye argelist und widerrede iren slechten worten doran czu gelouben sampt mit dem houptgelde genczlich czu beczalen.
Czu orkunde und bekentnuesse desser dinge haben wir Matzke Borke und Wilke Mandtueffel vorgenant unser ingesigele von unsern rechten wissen, do wir selber kegenwortig woren an dessen brieff lassen hengen, der gegeben ist czu Slochow uff dem husse in den jaren unsers herren vierczenhundert dornoch im ersten jare am nehesten Sontage vor Sandt Lorenczen Tage des heiligen merterers.1
Inhaltliche Anmerkungen
1) 1401 August 7.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs130.htm) und Datum der Einsichtnahme; (2) im Druck: PrUB, JS-FS 130 (1401 August 7. Slochau.)
Bearbeitungsstand: Text eingegeben (10. September 2003 Frauke Schmitz) – Datum überprüft (10. September 2003 Frauke Schmitz) – Text mit PrUB oder sonst Druck kollationiert (10. September 2003 Frauke Schmitz) – Text mit Or. kollationiert () – äußere Merkmale beschrieben ()
Datum der Erstanlage: Mittwoch, den 10. September 2003 — Letzte Änderung: 26. Januar 2009 von Jürgen Sarnowsky
Zurück zur Hamburger Homepage   / zurück zur Regestenliste für 1401