PrUB, JS-FS 113

© Jürgen Sarnowsky, Hamburg (2003-2009)


 1397 Juni 23. Marienburg.
{Regest}
Hochmeister [Konrad von Jungingen] an Herzog [Ladislaus] von Oppeln: bittet um die Bestätigung, dass das Land Dobrin frei von allen Ansprüchen sei und alle Rechte daran bei Ladislaus liegen; stellt dem Herzog eine Frist, in dem dieser belegen soll, dass die Ansprüche der Königin [Hedwig] von Polen falsch seien, sollte dies nicht geschehen, werde der Orden das Land an die Königin geben.

{Überlieferung}
B = olim StA Kbg. Hochmeisterregistrant [Konrad von Jungingen] Nr.II , p.55.

{Drucklegungen}
aus B: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 132-133.

{Diplomatische Erörterung des Stücks}
Registerabschrift
Duci Opuliensi

Irluchter furste und grosmechtiger herre, uwir brife uns letczte gesant und ouch ofte vormols begerende, das wir uwir irluchtikeit geben eyn ende des kowffs von des landes wegen Dobryn, haben wir wol vornomen.
Und wir do wider uch ofte vorschrebin haben, das uns umb das landt yn kowfes wyse nichten ist, wir worden denne underwyset, das uwir grosmechtikeit uns mochte fryhen das selbe landt und geweren, wen ys uns iczunt ofte were angesprochen von dem riche czu Polan.
Doruff ir uns ofte hat geantwort, is were an uch fry gekomen in wechsels wyse landt umb land, sunder dy wyse der fryheit mit der das selbe lant an uwir irluchtikeit were gekomen, uns ny mochte czu sehn werden und uns doch nicht czu mute ist, das keyner lande kowffs pflegen sal unser orden, is geschee denne mit aller herlichkeit und fryheiten der selben, alz wir ouch haben alle unser lande.
Worumb so wisset lieber herre, das wir czu Phingsten nehst gewest1 hielden eynen tag mit unsir gnedigen frowen der kongynne czu Polan czu Alden Lesslow, dy do in eigener personen ernstlichen furdert und ansprach das egenante landt, wen is were ir und gehorte czu irem riche und uns ouch korczlich dornoch mit sweren briven dirmanente umb das landt. Und wir do eyns worden sint mit ir und erem rate, ist das ir uns das landt nicht vortreten wellet noch mogt by eyner genanten cziet noch fryhen, alz wir is halden in vorsatczunge, so wellen wir doruff gedenken, das wir unsir frouwen holde und des riches behalden.
Dorumb liber herre, so bitten wir getruwelichen uwir grosmechtikeit und mit allem flysse, das ir geruchet czu komen uns vortretende dy ansproche und fryhende das egeschrebene landt. Wen wir wellen haben eyn ende desir ansproche, enczwor das ir is selber loset, adir schicket uns eynen andern, der das moglich losen mag.
Getruwet abir uwir gros- {S. 133}mechtikeit, das ir uns nicht mogt gefryhen adir entwerren dy egeschrebene ansproche, so lasset is uwir willen syn , den ir uns dirczeigen sollet, mit uwerm brive, adir ouch yn widergebunge unser brive, so wellen wir gerne abetretyn das landt Dobryn unsir gnedigen frouwen der kongynne.
Wirt uns dy summe geldes beczalt, dy wir doruff gethan gelegen und vorbuwet noch uwir brife luet, und do Got vorsy, ab ir des keyns thun weldet, sunder uns lassen ungefryhet und in ansproche, so vordenket uns nicht, das wir uwir grosmechtikeit denne dirmanen mussen by uwern truwen und eren, by den ir uns globet hat, das selbe landt czu vorsten und czu fryhen, und glicher wyse gedenken doruff, wy wir das landt abetreten mogen unser frouwen mit eren.
Eyne gewisliche und briflich antwort bete wir uns czu thun mit desim kenwortigen erbaren boten unvorczogen.
Gebin czu Marienburg am Sonobund noch Corporis Christi anno XCVII.2
Inhaltliche Anmerkungen
1) 1397 Juni 10.
2) 1397 Juni 23.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs113.htm) und Datum der Einsichtnahme; (2) im Druck: PrUB, JS-FS 113 (1397 Juni 23. Marienburg.)
Bearbeitungsstand: Text eingegeben (30.August 2003 Frauke Schmitz) – Datum überprüft (30.August 2003 Frauke Schmitz) – Text mit PrUB oder sonst Druck kollationiert (30.August 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Samstag, den 30. August 2003 — Letzte Änderung: 23. Januar 2009 von Jürgen Sarnowsky

Zurück zur Hamburger Homepage   / zurück zur Regestenliste für 1397