PrUB, DH 4

1519 November 11. Königsberg.

{Regest}
Herzog Albrecht an Jan Jansenn und Thomas Martin: Empfang ihres zu Danzig datierten Schreibens mit der Klage über den ihnen zugefügten Schaden und der Bitte um Schadenersatz; Ablehnung der Bitte wegen mangelnder Zuständigkeit.

{Überlieferung}
C = OF 42, S. 71.

{Drucklegungen}
--

Regest
--

{Diplomatische Erörterung des Stücks}
Kopialbucheintrag.

{Ausgangsvermerk} Am tag Martini ist if Johan Jehanssen⁽¹⁾, ko[nigliche]r ir[lauchtigkei]t(en) von Engellandt factor^(a) unnd diner, unnd Thomas Mertten⁽²⁾, derselbigen ko[nigliche]n ir[lauchtigkei]t(en) underthanen, geschriben: {Eingangsbestätigung/Narratio} "Wir haben euer schreeben, wellichs zw Danczigk⁽³⁾ gegeben und von Helßpergk⁽⁴⁾ aus an uns gelangt, am abent Martini entpfangen und desselbigen inhalts vernommen. {Publicatio} Doraus wir vormercken, {Dispositio} wer euch in kurcz verschinen tagen fur schaden zugefugt, welliche dan euers angebens zo solchen schaden gethan von Konigspergk⁽⁵⁾ an unnd zo furdan allen den wegk uber unser land gefolget und euch uber unser grenczen angeritten unnd benommen mit demuttiger betht, dises zu^(b) beherzigen, domit euch solcher schad widerlegt werd etc. Thun euch dorauff gnediger meynung zu wissen, das uns solch euer widerwertikeit unnd sonderlich, dieweil solche gutter konig[lich]er ir[lauchtigkei]t(en) von Engellandt zustendig, getreulichen unnd herczlichen leid ist. Erkennen uns auch in dem und mererem der gemelt(en) konig[liche]n m[aieste]t zu dinen unnd zw wilfaren gneigt. Nach dem ir aber in solcher euer schrift vermeldet, das villeicht diselbigen, ze solch ubell gethan, von Konigspergk aus euch nachgefolgt, derhalben wir dorein sehen welten, das euch solcher schad widerumb niderlegt werdt. Nuhn habt ir abzunemen, das uns nicht muglich, uff ein iden ein uffsehen zw haben, wer zw Konigspergk ein ader aus reitten thut, dieweil es ein uffne strose unnd nymandt gewegert, diselbigen zu gebrauchen, wie dan euern personen auch geschehen. Derwegen wie ir zu achten nicht schuldig, euch euern schaden zw widerlegen, unnd sonderlich dieweil solchs nicht in unsers ordens landen geschehen. Domit ir aber zu entpfinden, das uns solcher euer zugefugter schad herczlichen unnd leid, mogen wir wol leiden, uns diejhenigen anzuzeigen, die also von Konigspergk an geritten, wollen wir uns gegen denselbigen, so vil uns moglichen, dermasen erzeigen, domit k[oniglich]e m[aieste]t zw Engellandt und ir befinden solt, das wir nichts anders furzunemen gesindt dan dasjhenig, wie wir und die unsern in gleichen fehl von ko[niglich]e m[aieste]t[e]n nemen unnd bitt(en) wellt(en). Das wolt(en) wir euch etc." {Datierung} Datum Konigspergk ut supra.

Textkritische Anmerkungen

(a) Engelland factor, zu Dantzig vor der Zeile.

(b) Ansprengung von ettlich(en) personen ins o[rdens]land vor der Zeile.

Inhaltliche Anmerkungen

(1) Jan Jansenn, Faktor Heinrichs VIII. von England.

(2) Thomas Martin, englischer Kaufmann (+ vor 1562 April 20).

(3) Danzig.

(4) Heilsberg, zw. Königsberg und Allenstein.

(5) Königsberg.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh4.htm) und Datum der Einsichtnahme; (2) im Druck: PrUB, DH 4 (1519 November 11. Königsberg.)
Bearbeitungsstand: Text eingegeben (D. Heckmann, 20. September 2000) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschrieben ()

Datum der Erstanlage: Montag, 18. September 2000 – Letzte Änderung: 18. September 2000 von Dieter Heckmann

Zurück zur Hamburger Homepage / zurück zur Regestenliste für 1519.