PrUB, DH 372
© Dieter Heckmann, Werder / Berlin (2009)
Tidemann von Münster an den Komtur von Balga [Ulrich Zenger]: Ankauf der gewünschten Laken, Empfehling, sich wegen der Außenstände Johann Huxers an den Danziger Rat zu wenden, und Lieferung von Gewürzen und Konfekt.
{Überlieferung}
A = Geheimes Staatsarchiv PK, XX. HA Hist. StA Königsberg, OBA, Nr. 1837
{Drucklegungen}
---
{Diplomatische Erörterung des Stücks}
Ausf., durch Mäusefraß besch. Pap. mit Federproben am linken Rand; Spuren des roten, aufgedr. Ausstellersiegels., Rubrum auf Rückseite von Hand des 16. Jhs.: Tideman von Munster schreibet von der wahren, so ehr zu kauff(en) bedacht, dem cumpzur zu gefall(en), Verm. auf Rückseite von Hand des 17. Jhs.: Anno 13 und Federproben und Altsign.: Staatsarchiv Königsberg Ordensbrief Band II Nr. 9 und Schl. XXXIVa Nr. 53.
Mynen wylligen und unvordrossin ewigen dinst nach myne(m) ganczen vormeogen czuvor. Erenwirdig(er), lyber und besunder(er) gnedig(er) he(re), uw(er) wyesheit brieeff mir gesandt, czur Balge(1) gegebin, habe ich wol vornomen. Ich wyl gerne koueffin dye bestin H(er)ntalschin laken, dye ich im lande kan gehabin. Ouch als ire schribet von den Popperischen laken, do wyl ich gerne myn bestis bye thuen. Abir Valentinisch w(er)en bessir. Dy hoet man vor czur Balge gegebin, und je ist vyl noch eyn kouff, idoch so wyl ich yo uw(er)n gnode(n) brieffe volgen. Ouch so habe ich czu Danczk(2) von Boekelern(3) entpfangen uff rechinschafft 100 m und 60 m. Das oebirge hat her mir gelobit uff uns(ir) vrauwen taeg(4). Ouch als mir uw(er) wirdikeit schribet von Johann Huexers(5) wegen von Daenczk, do habe ich nycht eynen pfennyng von entpfangen. Do kan uff das eerste keyn gelt von gevallen. Do yst nycht and(er)s, wen erbe, und syne scholdt wird ny(m)m(er) halb beczalt. Ich rathe uw(er) wysheit, das ire dem raethe czu Daensk eynen brieff schribet, do ire inne mechtigit Joesten(6) uw(er) wegin, wen der yst der besetzer von uw(er) weegen gweesin. Und der wonet do. Her hat is e czu endin wen ich. Und schr[ibe](a)t ime besund(er)n uw(er)n willen, wy her is halden sall und das her is ende, als her eerste kan adir magh, uw(er) gno[den .](a)an is nymmer bas bestellen. Her wonet do und magh is alle tage yagen und triben. Ich wyl abir eyns keg[en Dan](a)czk ummee das oebirge von Herman Boekelers wegen. Ouch so sende ich uw(er) wirdikeit 6 pfunt gutis p[feffer](a)s, den h(er)en czu gebin by stuecken an krude und 10 pfunt balen ingver czu stoeszen. Abir do lyst man [......](a)ol us ingver, den h(er)en czu gebin. Das machit 16 pfunt czusampne. Als myr uw(er) heerlichkeit geschr[ibet](a) und 3 pfunt saffran Tuskan, der ghut yst, ouch noch uw(er)m brive. Ouch so sende ich euch n[ach uwer be](a)veelunge 4 pfunt cobebin und 4 pfunt coriander und 4 pfunt morsus, das keyzerbiss heyst. Das y[st XI](a)I pfunt czusampne. Ich kan nycht kanneel gehabin czu kouffe. Her yst czu thuere czu conficiren. Ich wel[te g](a)erne wyssin, wye vyel myer uw(er) gnode letste rechnunge scholdig bleyp. Do myete moechte ich dysse nuewe [rechi](a)nschafft wydder anheebin. Got bewa(r)e uw(er) wirdikeit gesundt czu langer czeit. Gegebin czum Elbinge am sonnobende neest vor purificacionis Marie anno XIIIo.
Dye rechinschafft wiert scheelen czwisschen uw(er)n gnoden und Boekelern. Ich wyl euch bynnen kurcze schriben, wy vyel mych duenket. Joest suelle das oebirge richten do dy schelunge ane yst.
Tydeman von Moenster(7)
uw(er) gnoden wylg(er) dyner
Deme erenw(ir)digen, myne(m) lyben und gnedige(n) h(er)en, h(er)en kompthur czur Balge myt groszer wirdikeit.
Textkritische Anmerkungen
Inhaltliche Anmerkungen
(1) Balga.
(2) Danzig.
(3) Hermann Bökeler, Kaufmann zu Danzig (1413).
(4) 1413 August 15.
(5) Johann Huxer, Kaufmann zu Danzig (1413).
(6) Jost, Einwohner zu Danzig.
(7) Tidemann von Münster, Schreiber des Königsberger Großschäffers und Ratmann von Elbing (– zw. 1414 und 1416).
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh372.htm) und Datum der Einsichtnahme; (2) im Druck: PrUB, DH 372 (1413 Januar 28. Elbing.)
Bearbeitungsstand: Text eingegeben (D. Heckmann, 2.2..2009) Datum überprüft () - Text mit PrUB oder sonst Druck kollationiert () - Text mit Or. kollationiert () - äußere Merkmale beschrieben ()
Datum der Erstanlage: Montag, 2. Februar 2009 Letzte Änderung: 2. Februar 2009 von Dieter Heckmann
Zurück zur Hamburger Homepage / zurück zur Regestenliste für 1413.