PrUB, DH 354

1523 November 6. Warbeck.

{Regest}
Der Bischof von Dorpat und Reval, Johann [Blankenfeld] an Hochmeister Albrecht von Brandenburg: Widerstand der Landstände und des livländischen Meisters Wolter von Plettenberg, ihn auf hochmeisterlichen Wunsch, außer Landes ziehen zu lassen; Bitte um Entschuldigung; Verbreitung von Unwahrheiten durch den Erzbischof von Gnesen [Johann Laski] in Rom.

{Überlieferung}
A = Geheimes Staatsarchiv PK, XX. HA Hist. StA Königsberg, OBA Nr. 26484.

{Drucklegungen}
---

{Diplomatische Erörterung des Stücks}
Ausf., Wasserzeichen "Halbmond"; auf Rückseite zeitgenöss. Betreff Bischove von Reuel etc. entschuldigung, das s[eine] g[naden] nit heraus zur tagsetzung komen konnen, am freitag nach aller hey[ligs]t(en) tag 1523, Registraturverm. 4 und Stempeldruck Königliches Staatsarchiv Königsberg O Pr.; Verschluss-Siegel des Ausstellers unter Papierdecke.

Hochwirdigster hochgeborner furste, unnser willige dinsthe seint ewrn gnaden unngessarts vleisses bevor. Gnediger herre, ewr gnaden schrift, geben czu^(a) Nurmberg⁽¹⁾, suntag nach nativitatis Marie⁽²⁾, seind unns heut dato zukomen. Unnd wowu vor unnser person e[wr] g[naden] unnd dem loblichen ritterlichen ordenn, von dem unns vil gnad, gunst unnd furderung widderfaren, des wir abgetwil die zeit unnsers lebens dangkbarlich eingedenck sein wollenn, zu dinstlichem wolgefallen gantz geneiget zu dem unnd grosserem wege, auch bey e[wr] g[naden] sachen ane ruem zusagen unnsern alten trewen willen und vleis zu ertzeigenn. Wir haben aber auf die neghest vor(re)^(b) desser^(c) ewer gnaden schrifft, auch ansuchunge des hochwirdigenn unnsers lieben herrn unnd frundes, hern Walter(e)nn von Plettenbergh⁽³⁾, meysters Deutzsches ordenns hir im lande, abermals unnserer gemeynen landschaft auf dinstag noch Luce⁽⁴⁾ e[wr] g[naden] beger vorgegeben(n) mit vielfeltiger annzeigunge unnserer begirden unnd neygunge dartzu unnd das unns merglichenn doran gelegenn, das e[wr] g[naden] wilfard werden mechte. Aber noch gehabtem radte unnd vielfeltiger unnterhandelunge heben sie mid vleis gebeten unnd darnach entlich begerdt, das wir bey unnserm stiffte unnd im lande bleiben wolten. Dieweil nu unns - so wir ane ire bewilligung hinaus zu gen - allerley mergliche beswerden begenen mochtenn, dy unns unngezweyfelt e[wr] g[naden] unnd der lobliche ritterliche orden auß gnediger zuneygunge zu unnser person nicht gunnen. Bitten wir dinstlich, e[wr] g[naden] wolte disse unnsere nodturftige entschuldigunge gnediglichen aufnehmen(n) unnd darbey nicht wahn haben, irkeiner voranderunge unnser alten liebe unnd truwe zu e[wr] g[naden] personen, die unngezweifelt in iren sachenn, so verne irkeyn billickeit und recht stad haben mogenn mit hilff des almechtigen unnd durch vorbith der hochloblichn, des wirdigen unnd ritterlichn ordens patronin wol guthen trost erlangenn werdenn, dann ye die annkunft unnd tittel e[wr] g[naden] uber die landt auch zu uberflus genungksam beweyslich seint. Wiewol der ertzbischof von Gniszen⁽⁵⁾ zu Rom⁽⁶⁾ eyne andere unvorbriefte und und unversigelte history altzeit verzalte, so ist auch der alt langwirig besitz am tage unnd seint durch e[wr] g[naden] vorfarn selich steyn und gruben an den grenitzen gelegt, das dy nicht ger(m)cklich vorlencknet ader verfelscheth werdenn mogenn als schlosser und stedte, die gewaltige entsetzung beweyst der ewige bedrenckliche fridde. Der almechtige verliehe e[wr] g[naden] zu irem rechten gut glucke, dem wir auch hirmit e[wr] g[naden] unnd unns derselben dinstlich bevelen. Geben zu Werbegk⁽⁷⁾ freitags noch allerheiligen tag anno etc. XXIII^o
Johannes von gots gnadenn
bischof zu Darbt und Rewell⁽⁸⁾.

Dem hochwirdigsten hochgebornen furstenn und hern, hern Albrechten Deutzsches ordenns hoemeyster marggraven zu Branndenburg, zu Stettin, Pomern, Cassuben und Wenden etc. hertzogen(n), burggraven zu Nurnberg unnd fursten zu Rugen unnserm gnedigen herrnn

Textkritische Anmerkungen

(a)    Auf Rasur.

(b)    Dahinter rad. Schaft.

(c)    Aus disser korr.

Inhaltliche Anmerkungen

(1)    Nürnberg.

(2)    1523 September 15.

(3)    Wolter von Plettenberg, livländischer Ordensmeister (1494-1535).

(4)    1523 Oktober 20.

(5)    Johann Laski, Erzbischof von Gnesen (1508-1531).

(6)    Rom.

(7)    Warbeck am Embach, Estland.

(8)    Johann Blankenfeld, Bischof von Reval (1514-1524) und von Dorpat (1518-1524) .

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh354.htm) und Datum der Einsichtnahme; (2) im Druck: PrUB, DH 354 (1523 November 6. Werbegk)
Bearbeitungsstand: Text eingegeben (D. Heckmann, 26.02.2008) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschrieben ()

Datum der Erstanlage: Mittwoch, 26. Februar 2008 – Letzte Änderung: 26. Februar 2008 von Dieter Heckmann

Zurück zur Hamburger Homepage / zurück zur Regestenliste für 1523.