PrUB, DH 20
© Dieter Heckmann, Werder / Berlin (2000)
Hochmeister Ludwig von Erlichshausen bekundet, daß er eine Urkunde des Elbinger Komturs Heinrich Reuß von Plauen von 1460 Januar 25 über die Vergabe von Liegenschaften zu Königsberg an den Altstädter Bürger Peter Fuchshuber vidimiert hat.
{Überlieferung}
A = Stadtarchiv Reval, Rote Serie, Nr. 695.
{Drucklegungen}
aus A 1) Ludwig Biewer, in: Preußenland 19 (1981), S. 57 f.; Revaler Urkunden und Briefe von 1273 bis 1510, bearb. von Dieter Heckmann (Veröffentlichungen aus den Archiven Preußischer Kulturbesitz, 25), Köln, Weimar, Wien, Nr. 143, S. 225-227.
Regest
ebd.
{Diplomatische Erörterung des Stücks}
Ausfertigung; Pergament; beschädigt; 39 cm : 29 cm; hochdeutsch; Rückvermerk [von Hand des. 16. Jhs.]: Peter Fuchshuber, burger zu Konigßbergk belangend; schwarzes, rundes Sekretsiegel des Hochmeisters Ludwig von Erlichshausen angehängt.
{Intitulatio} Wir, bruder Ludwig van Erlichszhuwzen(1), homeister Deutsches ordens, {Publicatio} thun kunt und offembaren mit desem briffe allen, dy en seen, horen adir lezen, das {Narratio} uns unsir liber und getruwer Peter Fuchshuber(2), meteborger unserer Aldenstadt Konigsberg(3), vorbracht hat eynen besegelten brieff ieczlicher goben und leenungen, em, synen erben und nachkomelingen durch den ersamen und geistlichen bruder Henrichen Rews van Plauwen(4), kompthur(e) czum Elbing(5), unsirs ordens, in der czeit, alse her Samelandt(6), die stete Konigsbergk(7) und andere unsere Nederlande(8) in unsirm namen widder eynnam und vorwezete, gethan und gescheen van worte czu worte, also lawtende: "{Intitulatio} Wir, bruder Henrich Rews van Plauwen, kompthur(e) czum Elbing, Deutsches ordens, {Publicatio} thun kunt und offembaren allen, die desen briff seen, horen adir lezen, das {Narratio} uns bewogen haben die getruwen tete, die unsir besunder liber Peter Fuchshuber, meteborger der Aldenstad Konigsberg, in solchen czeiten, do die gemeynen unsirs ordens, lande und stete, an unsiren orden anfarunge taten, ouch, do sich Samelandt, die stete Konigsberg und andere Nederlande widder czu unsiren orden wandten, getan hat an unsirm gnedigen homeister (u)(a)ns, und unsirm orden und vordan czu thun sol seyn unverdrossen. {Dispositio} Und haben darummb van sundirlichem geheisse und in namen des hochwirdigen herren, herren Ludwiges van Erlichszhuwzen, unsirs gnedigen homeisters, demselben Peter Fuchszuhubern, seynen rechten erben und nachkomelingen im jare, alse men schreib nach der gebort Cristi, unsirs herren, tusent vierhundirtfumfundfumffczig am mantage czu pfingsten(9) das ekhuws ken der pfarrekirchen(10) öbir(b) in der Aldenstadt Konigsberg, ouch am donrstage vor Bartholomei in demselben fumffundfumffczigsten jare(11) den speicher uff der lastadien, kem stadthofe öbir daselbst gelegen. Welch huws und speicher tzugehort haben Nicklassen Aldenhoffe(12), der sich der ken unsirn orden vorworcht hatte, vorlegen und gegeben, vorleyen und geben en die, so vele der an unsirn orden vorfallen ist, mitsampt allen iren czubehorungen und notczen mit krafft deses briffes, erblich und ewiclich czu besitzen, gleich alse sy der berurte(c)Nicklas Aldehoff hat gehabt und besessen. In gleicher weys haben wir ouch darnach im vierczehenhundirtstenundsebenundfumffczigsten jare am abende Laurencii(13) demselben Petern Fuchszhuber, seynen rechten erben und nachkomelingen gegeben und geben en hymit die teyle an den hewzern, in der Aldenstadt Konigsberg gelegen, die Sander Brandes(14)gehort haben, so vele der an unsren orden ist vorfallen, die ouch mit allen iren czubehorungen und notczen, erblich und ewiclich czu besitczen, alse sie der berurte Sander Brandt hath gehabt und besessen. Wir haben em und en ouch gegeben und geben en das halbe huws, im Kneipahe(15) gelegen, das durch den todt eczwan Folkwyns(16), der czu Fredelande(17) vorstorben ist, an unsirn homeister und orden was vorfallen, erblich und ewiclich czu haben mit eyner zalczkamer und anderen czubehorungen und notczen, die darczu gehoren, alse sie derselbe eczwan Folkwyn hat gehabt in besitczung, mit urkunt deses briffes, deme wir czu merer sicherheit unsir segel haben anhangen lassen, und gegeben ist czu Konigsberg am tage der bekerung sanct Pauwels, des apostels, in der jarczal unsirs herren tusent vierhundirt und darnach im sechczigsten jare(18)". Nach welches briffes obirantwertung hat uns derselbe Peter Fuchszhuber mit vleisse gebeten, das wir denselben obengeschrebenen brieff, ouch die gnaden und goben, em, synen erben und nachkomen durch den komptur(e) czum Elbing getan, vorwilligen und bestetigen gnediclich geruchten. Des s[eyn](d) wir gerne geneyget gewurden seyne(n) beten, nachdeme her sich in unsirn nöten recht und getrewlich hat gehalden an uns und unsirm orden und ouch vordan czu thun sal seyn vorpflichtet. {Dispositio} Und haben darummb alle und iczliche solche gnaden, goben und leenungen, wy und alse die in dem briffe, obengeschreben, bestymmet und vormeldet seyn, vorwilliget und bestetiget, vorwilligen und bestetigen dy, so vele des an unserer macht ist, demselben Petern Fuchshuber, seynen erben und nachkomelingen czu haben und czu besitzen, gleich und in allir massen, alse der obengeschrebene, des kompturs czum Elbing brieff inneheldt und begreiffet mit krafft und urkunt deses briffes, {Corrobatio} deme wir czu merer sicherheith unsir segel haben anhangen lassen und {Datierung} gegeben ist uff unsirm huwze Konigsberg am nesten sontage nach dem tage der bekerung sanct Pauwels des heiligen apostils nach der gebort Cristi unsirs herren tusent vierhundirt und darnach in dem sechczigsten jare(e).
Textkritische Anmerkungen
(a) Schrift teilweise abgeplatzt.
(b) Zwei Punkte über o werden als ö wiedergegeben.
(c) Es folgt gestrichen Aldehoff.
(d) Lücke in Vorlage.
(e) Es folgen zwei Punktepaare und eine liegende 8.
Inhaltliche Anmerkungen
(1) Ludwig von Erlichshausen, Hochmeister (1450 - 1467).
(2) Peter Fuchshuber, Bürger zu Königsberg-Altstadt (vor 1460 Januar 25 - nach 1462 November 12).
(3) Königsberg-Altstadt.
(4) Heinrich Reuß von Plauen, Komtur zu Elbing (1441 - 1466).
(5) Elbing.
(6) Samland.
(7) Königsberg-Altstadt, Königsberg-Kneiphof und Königsberg-Löbenicht.
(8) Niederlande, Gebiet in Preußen.
(9) 1455 Mai 26.
(10) Pfarrkirche zu Königsberg-Altstadt.
(11) 1455 August 21.
(12) Nikolaus Aldenhoff, Ratsherr zu Königsberg-Altstadt (1446-1455).
(13) 1457 August 9.
(14) Sander Brandes, Bürger zu Königsberg-Altstadt (+ nach 1460 Januar 27).
(15) Königsberg-Kneiphof.
(16) Folkwyn, Bürger zu Königsberg-Kneiphof (+ vor 1460 Januar 25).
(17) Friedland, zwischen Bartenstein und Allenburg.
(18) 1460 Januar 25.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh20.htm) und Datum der Einsichtnahme; (2) im Druck: PrUB, DH 20 (1460 Januar 27. Königsberg.)
Bearbeitungsstand: Text eingegeben (D. Heckmann, 10. Oktober 2000; 24. Juni 2001) – Datum überprüft (10. Oktober 2000) – Text mit PrUB oder sonstigem Druck kollationiert () – Text mit Or. kollationiert () – äußere Merkmale beschrieben (10. Oktober 2000)
Datum der Erstanlage: Mittwoch, 10. Oktober 2000 – Letzte Änderung: 19. Juli 2000 von Dieter Heckmann
Zurück zur Hamburger Homepage / zurück zur Regestenliste für 1460.