PrUB, AMR 3

{Überlieferung}
B = OBA 14944.

{Drucklegungen}
Arno Mentzel-Reuters: Arma spiritualia. Bibliotheken, Bücher und Bildung im Deutschen Orden (Beiträge zum Buch und Biblitohekswesen 47) Wiesbaden 2003, S. 256.

Regest
JH I 14944.

{Diplomatische Erörterung des Stücks}
Abschrift aus dem Ordensbriefarchiv, Papier.

Meynen willien gehorsam mit meyne innigen gebeth stets zuvor erwirdier gnedier liber here.
Alz ewern erwurdien gnaden wol wisslich ist, das ich dy bucher aws der libraria zyende in dy stat mit mir nam, zo habe ich sy gethon eyme fromen burger in der nüenstat, Steinbrucher genant, eyn becker. Wõrde ewer gnade u bequemen das u zu Marienburg nicht möcht bleyben, das got io nicht welle, zo möchte ewer gnode dy ee gedachten bucher nemen unnd schicken wo sy bequemlicheit wern. Ouch gnedier liber here in der zeit do wir vor den buntschelken und vor unßn vorretlichen vorkoufern nicht wolden messe halden , do leek her Ulrsig von her Johannes Grudentz in meyner beghenwertigkeit 2 vorgolte kelche mit 2 patenen, zwe messebucher und czwene ornat. Ap got seyne gnode bey unserm orden tete, das sich dy vinde vom slosse dingheten, das sulch gut vom orden nicht queme? Ouch bleben 5 vorgolte kelche ins glacmeisters sale und dy beste palle und das gulden pectoral in ewer gnaden sale. Aller gnedigster lyber here und meyn guter vater, ich bitte ewer er wm die gnode, wen is der almechtic gute got und seyne lybe moter Maria mit unßm orden aldo zu Marienburg zum besten wandelt, das mich vörstliche gnode heische von Babilonia, ubi sedimus et flevimus dum recordamur Syon id est Marienburg, of das ich frõlich mag sprechen mit dem propheta: Letatus sum in hiis que dicta sunt mihi, in domum domini ibimus. Geschreben zu Osterode im donnerstage noch Dyonisii im jore unßs herrn etc. LVII
Bruder Jost Crop chor her zu Mar[ien]burg, ewer gnaden armer capplan.