PrUB1500.02.25
© Jürgen Sarnowsky, Hamburg
Hochmeister Friedrich von Sachsen an den Papst: bittet, indem er die Wahlumtriebe bei Besetzung des neulich erledigten Bistums Kurland zu erkennen gibt, um die Konfirmation des Oberprokurators Michael Sculteti, den der Papst seiner Zeit zum Koadjutor und Nachfolger des verstorbenen Bischofs bereits in Aussicht genommen habe.
{Überlieferung}
B = Registrant Y / OF 21, S. 221.
{Drucklegungen}
aus B Liv-, Est- und Kurländisches UB II.1, 943, S. 721.
{Regest}
---.
{Diplomatische Erörterung des Stücks}
Registerüberlieferung, überschrieben: Ad papam, vgl. S.222, überschrieben: Ad cardinales sine suprascriptione.
Beatissime pater ac domine sanctissime.
Post humilem sui commendacionem et devota beatorum pedum osculac. Quamvis, beatissime pater, hucusque hostiles incursus, quos olim terra Livonie ab infidelibus passa est et hodie frequentes a scismaticis Rhuthenis patitur inviolabiliter observatum sit, ut in preficiendo pastore ecclesie Curoniensi in terris Livonie et confinibus Prussie site consilium et assensus tam magistri generalis quam preceptoris Livonie, qui prefatam ecclesiam ex omni parte tuentur, requisitus et expectatus sit, quo facilius et pax sincera in his terris conservetur et unanimi consensu ac mutuis auxiliis Livonie ex dicione infidelium per milites mei ordinis erepte et obediencie sancte Romane ecclesie subacte succurri possit. Nuper tamen reverendo in Christo patre domino Martino, dicte ecclesie episcopo, in Domino defuncto canonici prefate ecclesie nescio qua persuasione illecti, me contempto preceptoreque Livonie spreto in quendam Ambrosium, dicte ecclesie prepositum, mei ordinis, contra hactenus inviolabiliter obser vatum morem, priusquam prefati episcopi mors ad me perferri posset prepropere convenerunt prefatusque prepositus, quod nemo alius attemptavit, me irrequisito, Romam versus iter arripuit in mei contemptum et antedicte terre Livonie, que jam jamque hostiles incursus expectat et solita auxilia implorat periculum non mediocre precipue, quoniam prefatus prepositus neque consiliis neque tantis rebus, que imminent agendis idoneus nec eciam incolis terre tanquam in hoc cursu rerum et temporum expediret acceptus feratur, ut sane, urgens me necessitas et imminens periculum rei publice Christiane amoris sanctitati vestre supplicare cogat, quatenus s. v. pro paterna in omnes clemencia huic ecclesie de persona domini Michaelis Sculteti, procuratoris generalis, ordinis mei, pro quo olim stem vestram ad prefatum reverendum patrem in Christo defunctum scripsisse eundemque illi in adjutorem et successorem obtulisse cognovi, quemque jam pridem experiencia docente omnibus gratum et pro ingenii dexteritate tum consiliis tum rebus agendis aptum cognovi, apostolica autoritate tanquam de magis idonea providere dignetur. In quo sanctitas vestra rem summo pontifice dignam, reipublice Christiane et huic patrie salutarem omnibusque nobis gratissimam faciet. Cui me tanquam obedientissimum filium et offero et commendo.
Ex Monte regio Prussie vigesima quinta mensis Februarii anno millesimo quingentesimo.
Bearbeitungsstand: Text eingegeben (Sarnowsky, 29.7.2025) – Datum überprüft () – Text mit PrUB oder sonst Druck kollationiert (Sarnowsky, 29.7.2025) – Text mit Or. kollationiert () – äußere Merkmale beschrieben (Sarnowsky, 29.7.2025)
Datum der Erstanlage: Montag, den 29. Juli 2025 – Letzte Änderung: 29.Juli 2025 von Jürgen Sarnowsky
Zurück zur Hamburger Homepage / zurück zur Regestenliste für 1500.