PrUB1446.05.21
© Jürgen Sarnowsky, Hamburg
[Hochmeister Konrad von Erlichshausen] an den Meister von Livland: teilt mit, unter welchen Bedingungen Friedrich von der Rope den zur Entscheidung seiner Streitsache mit dem, Bf. von Dorpat anzusetzenden Tag besenden wolle. Wiederholt die Mahnung, die oeselsche Bistumsangelegenheit zum Abschluss zu bringen.
{Überlieferung}
A = OF 16, S. 96-97.
{Drucklegungen}
aus A Liv-, Est- und Kurländisches UB I.10, 221, S. 150-51.
{Regest}
ebd.; Napiersky, Index, 1531.
{Diplomatische Erörterung des Stücks}
Registerüberlieferung, überschrieben: Gebietiger zcu Liefflande.
Ersamer lieber her gebiettiger.
Friderich von der Roppen hat uns underrichten laszen, wie ir em geschreben habet, das ir einen tag czwisschen dem herren bisschofe van Darpt und em umbe der schelunge wille under en gewant verramen woldet. Also haben wir mit em reden lassen, en und erweiset und vermocht, das her eins tagis gerne vorfolgen wil in sottener underscheit: her wil seyne sachen setezen czu euch und unsirs ordins landtmarschalk in Liefflandt und seine mechtigen dahen zcu semlichem tage fugen, dach wil her selbist nicht darezu komen, und das semlich tag uff den nehsten sentte Johannes baptisten tag mochte es geseyn adir 14 tage darnach volfuret wurde, denne her nicht lenger darnach meynet zcu harren. Wir bitten euch mit fleysze, mogt irs uff der tage eme brengen, das ir uns das verschreibet sunder sewmen. Wir wellens dem benanten Friderichen vordan thuen zcu wissen, uff das her sich moge darnach wissen zcu richten. Wir senden euch eyne abeschrifft eins brieffs, der uns in gebunge diszes brieffes wart geantwort, die ir ouch lesende wol werdet vernemen. Dorumbe segen wir gerne, das ir die Sachen czwisschen dem von Osel czu ende, als wir euch das vor geschreben haben, brechtet. Dorane thut ir uns grosz zcu dancke.
Geben zcu Marienburg am Sonnabend vor ascensionis Domini im 46ten jare etc.
Bearbeitungsstand: Text eingegeben (Sarnowsky, 05.08.2024) – Datum überprüft () – Text mit PrUB oder sonst Druck kollationiert (Sarnowsky, 05.08.2024) – Text mit Or. kollationiert () – äußere Merkmale beschrieben (Sarnowsky, 05.08.2024)
Datum der Erstanlage: Montag, den 5. August 2024 – Letzte Änderung: 5. August 2024 von Jürgen Sarnowsky
Zurück zur Hamburger Homepage / zurück zur Regestenliste für 1440.