PrUB1446.05.17
© Jürgen Sarnowsky, Hamburg
[Hochmeister Konrad von Erlichshausen] an den Meister von Livland: bittet ihn, vor dem Auszug Johann Kreuls als Generalprokurator zu Rom, wo er seine Sache eifriger werde betreiben können, die Angelegenheit der Entschädigung desselben für die Verzichtleistung auf das Bistum Oesel nach dem früher verlautbarten Modus bei Ludolph, dem Inhaber des Stifts, zum Abschluss zu bringen.
{Überlieferung}
A = OF 16, S. 90-91.
{Drucklegungen}
aus A Liv-, Est- und Kurländisches UB I.10, 220, S. 149-50.
{Regest}
ebd.; Napiersky, Index, 1528.
{Diplomatische Erörterung des Stücks}
Registerüberlieferung, überschrieben: Gebietiger zcu Liefflande.
Ersamer besunder lieber her gebietiger.
Als ir uns denne von der sache wegen czuwsschen hern Johannsen Creuwel bisschoffen zcu Osel und hern Ludolff, der das bisschoffthum itezunt innehat, und das derselbe her Ludolff dem gnanten hern Johann viertusent ducaten meynet zcu geben und das sich denne derselbe herr Johannes des bisschoffthums und aller ansproche doruff verczeihen sulde, geschreben habt etc., so haben wir euch jo widder daruff geschreben, mochtet irs uff sechstusent ader jo czu[m] wenigste[n] uff funfftusent Ungersche golden und uff acht hengste brengen, so wolden wir mit em reden und uns bearbeiten und hoffetens darezu zeu brengen, das her sich des berurten bischoffthums gantcz solde verczeihen und bey des gnanten hern Ludolffs leben keynen zcusproch daruff thun etc. So seyn wirs nu zcu rate wurden, das wir den obgnanten hern Johannsen kortczlich vor unsers ordens obirsten procurator in den hoff zeu Rome schicken und senden wellen. Und darumbe begern wir, das ir die ding je besser ken den oben berurten hern Ludolffen bearbeitet und mit em zcu ende brenge[t]. Wie das nicht geschege und die sache[n]d also unentscheiden stehen bieben, versehen wir uns, so der gedachte her Johanns in den hoff zcu Rome kome, werde her die sachen anders und mit grosserm ernste wen her bey uns gethan hat angreiffen und verfolgen. Und darumbe so seit darnach, das die sachen ee denne her uszczihe hengelegt und entpflegen mogen werden, und schribet uns davon eyn entlich antwort und bestellets damit also, das uns die jo bynnen drien adir yo uffs hogste in vier wochen zcu handen kome und geantwort werden moge. Doran geschit uns zcu willen.
Geben zcu Resemberg am dinstage nach dem sontage cantate im 46en jare.
Bearbeitungsstand: Text eingegeben (Sarnowsky, 05.08.2024) – Datum überprüft () – Text mit PrUB oder sonst Druck kollationiert (Sarnowsky, 05.08.2024) – Text mit Or. kollationiert () – äußere Merkmale beschrieben (Sarnowsky, 05.08.2024)
Datum der Erstanlage: Montag, den 5. August 2024 – Letzte Änderung: 5. August 2024 von Jürgen Sarnowsky
Zurück zur Hamburger Homepage / zurück zur Regestenliste für 1440.