PrUB1446.04.11.a
© Jürgen Sarnowsky, Hamburg
[Hochmeister Konrad von Erlichshausen] an den Meister von Livland: bittet ihn, die dem Deutschmeister schuldigen, zu Johannis 1445 fällig gewordenen 2000 rhein. gld. durch Übersendung an den Rat der Rechtstadt Danzig zu bezahlen oder sich mit dem Deutschmeister gütlich darüber zu vergleichen.
{Überlieferung}
A = OF 16, S. 58.
{Drucklegungen}
aus A Liv-, Est- und Kurländisches UB I.10, 212, S. 143.
{Regest}
ebd.; Napiersky, Index, 1524.
{Diplomatische Erörterung des Stücks}
Registerüberlieferung, überschrieben: Gebietiger zcu Liefflande.
Ersamer besunder lieber her gebietiger.
Der ersame und geistliche unsirs ordens obirster gebietiger zcu Deutschen landen hat uns wol von der 5000 rein. gulden wegen, die ir em und dem gebiete zcu Deutschen landen scholdig seit und euch davor hoch genug die zcu beczalen vorschreben habt, und das semlicher gulden czweitusend uff suntt Johans baptisten tag neestvorgangen synt ersehenen geschreben, dabey berurende, das hers umbe unser fleissigen bete willen damit so lange in gutter gedolt anstehen habe lassen, sunder er verstehe nach nicht endtschafft solcher beczalung, uns mit fleisse bittende, das wir euch darumbe weiden schreiben, das ir em semlich czweitusend rein. golden ane lengern verczog usrichten, beczalen und die dem rathe der rechten stad Dantczk unsers ordens gewislich zcur handt schicken, bestellen und antworten lassen suldet in massen, als ir euch des verschreben habt, grossirn schaden und unrat zcuvorkomen, und hat dorumbe dissen kegenwertigen seynen boten zcu uns und ouch furdane zcu euch geschickt und euch ouch selbs, als wir vernemen, umbe solch gelt geschreben. Und umb des willen bitten wir euch mit sunderlicher begerung, mochtet irs gethun, das ir dem gnanten gebietiger semliche zcweitusend golden usrichtet ader euch mit em darumbe gutlich vertraget und vereynet, das sehen wir gerne und were uns wol zcu willen.
Geben zcu Marienburg am montage nach palmarum im 46en jare.
Bearbeitungsstand: Text eingegeben (Sarnowsky, 05.08.2024) – Datum überprüft () – Text mit PrUB oder sonst Druck kollationiert (Sarnowsky, 05.08.2024) – Text mit Or. kollationiert () – äußere Merkmale beschrieben (Sarnowsky, 05.08.2024)
Datum der Erstanlage: Montag, den 5. August 2024 – Letzte Änderung: 5. August 2024 von Jürgen Sarnowsky
Zurück zur Hamburger Homepage / zurück zur Regestenliste für 1440.