PrUB1446.04.10
© Jürgen Sarnowsky, Hamburg
[Hochmeister Konrad von Erlichshausen] an den König [Christoph] von Dänemark: bittet ihn, das vom Meister von Livland mit Zustimmung des ganzen Landes zur besseren Bezwingung des Feindes bei der herrschenden Hungersnot in Nowgorod erlassene Verbot, dahin Getreide zu führen, auch für seine drei Reiche, besonders für Schweden, zu erlassen.
{Überlieferung}
A = OF 16, S. 53-54.
{Drucklegungen}
aus A Liv-, Est- und Kurländisches UB I.10, 210, S. 140-41.
{Regest}
ebd..
{Diplomatische Erörterung des Stücks}
Registerüberlieferung, überschrieben: Landtkompthur zcu Osterreich etc.
Ersamer lieber her landtkompthur.
Wir thuen euch zcu wissen, das ir in unsers ordens grosz capittel nehst zcu Marienburg gehalten irkant und befunden wart, das unsers ordens bucher alle als wol an den regeln als an den gesetczen nicht gleich eins trugen, und wart i[m] selben groszen capittel mit reiffem rate unser und der gebiettiger also verlaszen, das man drey unsirs ordins bucher, die eyns luwtes weren, machen und alle gesetcze, die denn bey allen meistern, unsern vorfaren seligen, gemacht und gesaczt weren, zcu den regelen setczen und schreiben sulde laszen, so das die drey bucher gancz eyns trugen. So sulde man denn dem obirsten gebiettiger zcu Dewtschen landen eyns und dem von Lieffland das ander senden und das dritte wir in unsern landen Prewsszen behalden, und die gedachten gebiettiger sulden in allen iren ballien, coventen und unsers orden hewsern, do bruder inne weren, schaffen und bestellen, das alle ander unsirs ordens rechtvertiglichen gemacht und geschreben wurden, so das se alumbe an den regelen und gesetczen eins trugen, uff das sich unsirs orden bruder darnoch rechtverticlichen und ordentlichen wusten zcu regiren und richten. Also haben wir im solche drey bucher schreiben und machen lassen und das eyne dem obirsten gebiettiger zcu Dewtschen lande unde das andere dem zcu Liefflande gesant, als oben berurt ist, und senden euch ouch derselben bucher eins versigelt bey dissen kegenwertigen beweyser und begeren mit ernster vermanunge, das ir ouch in allen uweren coventen und unsirs orden hewszend, da brudere inne seyn, schafft und bestellet, das dy ordenbucher alle darnach rechtverticlichen geschreben und gemachet werden, und wo in euwern coventen adder unszes ordins hewszer nicht ordenszbucher seyn, do bestellet, das sie geschreben und dahen bestalt werden, uff das unsirs orden bucher alumbe gancz eyns tragen und sich unsirs orden bruder darnoch ordentlichen und rechtferticlichen halden, richten und regiren mögen. Darumbe bestellet es damitt, das eyn solchs auch, als oben berurt ist, gesche und vulfuret werde. Doranne irczeiget ir uns behegelichen willen.
Geben uff unszem huwse Marienburg am sontage zcu palmen in 46ten jare etc.
Bearbeitungsstand: Text eingegeben (Sarnowsky, 05.08.2024) – Datum überprüft () – Text mit PrUB oder sonst Druck kollationiert (Sarnowsky, 05.08.2024) – Text mit Or. kollationiert () – äußere Merkmale beschrieben (Sarnowsky, 05.08.2024)
Datum der Erstanlage: Montag, den 5. August 2024 – Letzte Änderung: 5. August 2024 von Jürgen Sarnowsky
Zurück zur Hamburger Homepage / zurück zur Regestenliste für 1440.