In nomine domini amen.
Sub anno nativitatis eiusdem 1360 etc., indictione, die, mensis, pontificatus. In castro Marienburg, domo principali hospitalis fratrum ordinis beate Marie domus Theutunice Jerosolimitani, diocesis ..,
in mei notarii publici testiumque subscriptorum ad hoc vocatorum presencia,
constituti reverendi etc. magister generalis
(1) et venerabiles viri domini et fratres K etc. magnus commendator
(2), .. marscalcus
(3), .. hospitalarius et commendator Elbingensis
(4), .. trappiarius
(5), .. thesaurarius
(6) et officiales, fratres, capitulum et conventus dicti ordinis in castro prefato dicte domus et ordinis sancte Marie Theutunicorum hospitalis Jerosolimitani, et loco capitulari, in quo capitulum et conventus ipsius domus et ordinis congregari et celebrari consuevit, capitulariter congregati, et ipsum
(a) capitulum et conventum facientes
pro se et toto ordine et omnibus et singulis preceptoribus, commendatoribus, prelatis, conventibus, fratribus, domibus, locis, membris, rebus, bonis et iuribus eiusdem ordinis tam coniunctim quam divisim fecerunt, constituerunt et ordinaverunt honorabilem ac religiosum virum, fratrem .., dicti ordinis professum, ipsorum et dicti ordinis et omnium et singulorum preceptorum, commendatorum, prelatorum, conventuum, fratrum, domorum, locorum et memborum predictorum et pro eis coniunctim et divisim procuratorem et nunccium specialem ad impetrandum litteras apostolicas tam simplices quam legendas, gratiam vel iustitiam continentes, et con-
{S. 613} tradicendum eisdem ab aliis impetratis in audiencia publica litterarum contradictarum domini nostri pape, loca et iudices eligendum
(b) et in eos conveniendum, cauciones dandum et recipiendum, de calumpnia et cuiuslibet alterius generis iuramentum in animas eorundem constituencium et cuiuslibet ipsorum prestandum, alium vel alios procuratorem seu procuratores loco sui substituendum, eundem seu eosdem revocandum totiens, quotiens sibi videbitur expedire, et generaliter omnia et singula faciendum et exercendum, que in premissis et circa quodlibet premissorum necessaria fuerint et oportuna, eciam si mandatum exigat speciale, promittentes se ratum, gratum et firmum perpetuo habituros, quidquid per dictum eorum procuratorem, substitutum seu substitutos ad eo actum, factum seu procuratum fuerit in premissis seu quolibet premissorum.
Et in testimonium premissorum supradicti magister generalis, fratres, capitulum et conventus constituentes voluerunt et mandaverunt sigillum ipsius magistri generalis et bullam
(c) eiusdem capituli et conventus presenti instrumentum apponi.
Acta sunt hec anno etc.
a)
verbessert aus: ipsius.
b)
es folgt gestrichen: suspectos dandum et recusandum.
c)
im Text: bulla.
1)
Winrich von Kniprode, Hochmeister (1352-1382).
2)
Wohl Wolfram von Beldersheim, Großkomtur (1360-1374).
3)
Siegfried von Dahenfeld?, Oberster Marschall und Komtur von Königsberg (1346-1360).
4)
Ortolf von Trier, Oberster Spittler und Komtur von Elbing (1352-1361).
5)
Werner von Rundorf, Oberster Trappier und Komtur von Christburg (1355-1372).
6)
Sweder von Pelland, Treßler (1357-1361).
Bearbeitungsstand: Text eingegeben (J.E. Beuttel, 7.10.2001; Jürgen Sarnowsky, 21.11.2009) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschrieben ()
Datum der Erstanlage: Samstag, den 21. November 2009 — Letzte Änderung:
21. November 2009
von Jürgen Sarnowsky
Zurück zur Hamburger
Homepage / zurück zur
Regestenliste für 1360.