Nos frater Heynricus commendator Gdanensis ordinis hospitalis sancte Marie domus Theutonice Jerosolimitani
notum facimus universis Christi fidelibus paginam hanc cernentibus tam presentibus quam futuris,
quod venerabilis vir dominus abbas Olyve de consensu et favore pociorum preceptorum terre Pruscie sub empcionis tytulo comparavit sanctimonialibus feminis in Zarnewicz dimidiam hereditatem Zibencicz ab honesto militer Wenczeslao Palescowicz cum terminis ab antiquo distinctis per Cyborium castellanum Pucensem, cujus termini sic incipiunt: a lapide, qui stat in valle circa viam, et sic ascendendo montem directe ad quercum magnam circa lapides, deinde per paludem directe ad quercum magnam juxta paludem, deinde ad aliam quercum magnam, deinde ad tres quercus stantes in campo, deinde ad arborem, que vulgariter dicitur haynbuche, deinde ad acervum magnum juxta fagum, deinde directe juxta paludem ad quercum magnam circumfusam terra, deinde ad quercum mediocrem circa viam circumfusam terra et clavo ferreo incusso, deinde directe par silvam ad finem vallis magne, que descendit de Karleckow ad quercum antiquam et magnam prope viam, qua itur de Lisow
1) in Sveczin, sub montibus in valle et ibi terminantur, et cum omnibus utilitatibus, que in ipsa hereditate nunc sunt vel in posterum suboriri poterunt, cum porco et vacca et urna melis vel quocunque nomine censeantur.
In cujus rei testimonium contulimus litteram nostri sigilli munimine roboratam.
Testes autem sunt hii: dominus Gotscalcus in Gdancz plebanus, frater Guntherus vicecommendator ibidem, Woycech castellanus Gdanensis, Swencza vlodarius et alii quam plures fide digni.
Datum et actum in Gdancz anno Domini 1310
o in crastino Purificacionis beate virginis Marie.
1)
Lissau östlich vom Sarnowitzer See.